कृषि विकास बैंकले १५ प्रतिशत वोनस शेयर र ५० प्रतिशत हकप्रद शेयर दिने 

Posted on: May 03, 2016 | views: 255

काठमाडौं,बैशाख १४ । कृषि विकास बैंकले आफ्ना साधारण शेयरधनीहरुलाई १५ प्रतिशत वोनस शेयर दिने भएको छ । आज बैंकको नवौं वार्षिक साधारण सभाले आर्थिक बर्ष २०७१–७२ को मुनाफाबाट १५ प्रतिशत वोनस शेयर र ५० प्रतिशत हकप्रद शेयर दिने निर्णय गरेको हो । नेपाल सरकारको अग्राधिकार शेयरमा समेत तोकिए वमोजिम ६ प्रतिशत नगद लाभांश दिने प्रस्ताव साधारण सभाबाट स्वीकृत भएको छ ।

साथै वोनस शेयर पश्चात कायम हुने साधारण चुक्ता पूँजीमा २:१ (५०) प्रतिशतले हुने हकप्रद शेयर जारी गर्ने निर्णय भएको छ । साधारण सभाले आर्थिक वर्ष २०७१र७२ को वार्षिक प्रतिवेदन उपर छलफल गरी उक्त वोनस शेयर र नगद लाभांश दिने तथा हकप्रद शेयर जारी गर्ने निर्णय गरेको हो । यो निर्णयबाट करिव २ लाख शेयरधनीहरु लाभान्वित हुने भएका छन् ।

बैंक सञ्चालक समितिका अध्यक्ष प्रमोदकुमार कार्कीले उक्त साधारण सभामा बैंकको आर्थिक वर्ष २०७१/७२ को वासलात, नाफा-नोक्सान हिसाब, नगद प्रवाह विवरण र सोसँंग सम्बन्धित अनुसूचीहरु (पूरक समेत) र चालु आर्थिक वर्ष २०७१/७२ को फागुन मसान्तसम्मको कार्य सम्पादनको संक्षिप्त विवरण र भावी कार्ययोजना समेत प्रस्तुत गरेका थिए ।