जयगणेश बहुउद्देष्य सहकारी सँस्थाको १३औँ साधारणसभा सम्पन्न

Posted on: November 02, 2019 | views: 469

विदुर । नयाँ व्यवस्थापन मार्फत सञ्चालनमा आएको जयगणेश बहुउद्देष्य सहकारी सँस्था लिमिटेडले सहकारीको भूमिकालाई छोटो समयमै उकृष्ट रुपमा प्रस्तुत गरेको छ ।

विदुर नगरपालिका वडा नं. २ विदुरमा कार्यालय रहेको सहकारीको आज सम्पन्न १३औ साधारणसभा सहकारीको अध्यक्ष बैकुण्ठ मिश्रले बचत र ऋणको कारोबार गर्ने मात्र नभई उद्यम विकास, कृषि र व्यवसायको लागी पु¥याउनुपर्ने सहयोगलाई प्रभावकारी रुपमा निर्वाह गरेको बताउनुभएको हो ।

नयाँ व्यवस्थापनले सहकारी सञ्चालनको जिम्मेवारी लिएको तीन वर्षको अवधिमा नै जिल्लाकै नमूना सहकारीको रुपमा सेवा दिदै आएको सहकारीले आफ्नो कार्य क्षेत्रभित्र कृषि, ब्यापार तथा घरेलु उद्यमसंग सम्बन्धित क्षेत्रमा गरेको कर्जा लगानी र आर्थिक रुपमा समृद्धि बनाउन सफल भएको जिल्ला सहकारी संघको पूर्व अध्यक्ष समेत रहनुभएका सहकारीका अध्यक्ष मिश्रले बताउनुभएको छ । उहाँले सहकारी मार्फत समुदाय रुपान्तरणको लागी पु¥याउनुपर्ने भूमिका आगामी दिनमा थप प्रभावकारी बनाएर अघि बढ्ने प्रद्धिबद्धता जनाउनुभएको छ । 

विदुर नगरपालिका कार्यक्षेत्र रहेको सहकारीको हाल ३५० जना शेयरसदस्य रहेका छन भने त्यसबाट शेयरपु्ँजी दुई करोड तीन लाख रुपैयाँ भन्दा बढी पुगेको अध्यक्षले पेश गरेको प्रतिवेदनमा उल्लेख गरिएको छ । सहकारीले सम्पन्न आर्थिक वर्षमा एक करोड ४६ लाख रुपैयाँ निक्षेप संकलन गरेको छ भने तीन करोड १५ लाख रुपैयाँ कर्जा लगानी गरेको जनाएको छ । पछिल्लो एक वर्षका बचत तथा ऋणको कारोबार मार्फत ५० हजार भन्दा बढी रकम मुनाफा कोषमा जम्मा गर्दै सहकारीको आर्थिक अबस्थालाई बलियो बनाएको छ । 


साधारण सभामा सहकारीका सचिव प्रकाशकुमार अधिकारीले पेश गर्नुभएको चालु आर्थिक वर्षको बार्षिक कार्यक्रम तथा बजेट र अनुमानित खर्च विवरणले आगामी वर्ष सहकारीको शेयर सदस्य बढाउने, त्यसबाट शेयरपुँजी तीन करोड पु¥याउने, निक्षेप संकलन अहिलेकोबाट बढाएर तीन करोड पु-याउदै कर्जा लगानीलाई त्यो भन्दा झनै दोब्बर ६ करोड पु-याउने लक्ष्य बनाइएको छ । 



यस्तै, सहकारीको लेखा समितिका संयोजक नवदिप श्रेष्ठले पेश गरेको आर्थिक प्रतिवेदनले सहकारीले अघिल्लो आर्थिक वर्षको तुलनामा लक्ष्य अनुसारको प्रगति हासिल गर्दै आएको उल्लेख गरिएको छ । 

कार्यक्रममा उद्योग बाणिज्य संघका पूर्वअध्यक्ष शरण उत्सुक सापाकोटा, संघका अध्यक्ष तथा सहकारीका उपाध्यक्ष ताराबहादुर कार्की प्रजातान्त्रिक विचार समाजका सचिव हरेराम गिरी, सहकारीको सञ्चालक नारायण पौडेल, किस्पाङ गाउँपालिकको अधिकृत हरी प्याकुरेल लगायतले सहकारीको सिद्धान्त र भूमिका अनुसार सञ्चालन गरेर सानो पुँजीको संकलन मार्फत आबद्धछ सदस्यलाई सहकारीले आर्थिक रुपमा बलियो बनाउनको लागी सक्रिय रहनुपर्ने बताउनुभएको छ । 

साधारणसभा मार्फत अध्यक्षको बार्षिक प्रतिवेदन, लेखा समितिको आर्थिक प्रतिवेदन र सचिवको बार्षिक प्रतिवेदन सहित विदुर नगरपालिका केन्द्रित रहेको कार्यक्षेत्र बढाएर जिल्लाभर बनाउने, अन्य सहकारीसंग एकीकरण अर्थात मर्जरको लागी पहल गर्ने सहित आवश्यक नीति, निर्देशिका, नियमावली र कार्यविधि पनि पारित गरेको छ । 

साधारणसभाको अवसरमा सहकारीले उत्कृष्ट बचतकर्ता अर्जुनप्रसाद भट्ट र  असल ऋणी कमला मानन्धरलाई सम्मान गरेको  छ ।