बेलकोटगढी नगर क्षेत्रमा नियमित बजार अनुगमन

Posted on: September 29, 2019 | views: 482

बाघखोर । नुवाकोटको बेलकोटगढी नगरपालिकाले आफ्नो नगर क्षेत्रभित्रका बजार तथा व्यवसायको अनुगमनलाई तिव्र बनाएको छ । नगर उपप्रमुख कविता ढुंगानाको नेतृत्वमा रहेको सयुक्त बजार अनुगमन टोलीले आफ्नो नगरक्षेत्रमा रहेका बजारहरु उपभोक्तामैत्री बनाएर सञ्चालनको लागी जिम्मेवार बनाउन नियमित तथा छड्के अनुगमनलाई तिव्र बनाइएको हो ।


दशैतिहार पर्व लक्षित गरेर नगर क्षेत्र भित्रका बजारमा भित्रन सक्ने खाद्य तथा गैह्रखाद्य सामाग्रिलाई ब्यवस्थित बनाउन शनिबार नगर उपप्रमुख ढुङ्गानाको टोलीले नगरपालिकाको केन्द्र रहेको बाघखोरको बजार क्षेत्रमा सहित आसपासमा बजार अनुगमन गरिएको हो ।  


अनुगमनमा मुल्यसूचि टाँ नगरेको, पसलको नाम स्पष्ट नभएको, नगरपालिकाको कार्यालयमा ब्यवसाय दर्ता नभएको र केहि मात्रामा समय सकिएको अखाद्य बस्तुहरु भेट्रिएको अनुगमन टोलीका संयोजक ढुङ्गानाले जानकारी दिनुभयो ।


बजार अनुगमन मार्फत आफूले गर्ने ब्यवसायलाई जिम्मेवार, कानूनी प्रक्रिया अनुसार सञ्चालन तथा उपभोक्तामैत्री बनाउनको लागी सहजिकरण एंव जानकारी ब्यवसायीले पाएका छन् । बजार अनुगमनलाई उत्साहको साथ सम्पन्न गर्न ब्यवसायीहरुले पनि सहयोग पु-याउदै नियमित रुपमा अनुगमन गनै अनुगमन टोलीलाई सुझाब दिएका छन् ।



स्थानीय सरकारले बजार ब्यवस्थापनको पक्षलाई जिम्मेवारी लिएपछि बजार क्षेत्रमा निकै सुधारका पक्षहरु देखिएको अनुगमन टोलीका संयोजक ढुङ्गानाले जानकारी दिनुभयो । बजार अनुगमन नियमित हुदै आएको र बजार क्षेत्रमा अन्य कामको शिलशिलमा आफू पुग्दा समेत त्यसतर्फ ध्यान दिदै आएकाले नगर क्षेत्र भित्रको बजारको अबस्था उपभोक्तामैत्री रहेको उहाँले बताउनुभयो ।
बजार ब्यवस्थापनमा सयुक्त बजार अनुगमन टोलीको नेतृत्व गरिरहेको नगरपालिका एक्लैले भन्दापनि ब्यवासायी, उपभोक्ताहरु पनि उत्तिकै सचेत हुनुपर्ने उहाँको सुझाब छ ।


चाडपर्वको समयमा नगर क्षेत्रमा बाहिरबाट अखाद्य बस्तु भित्रन सक्ने, म्याद गुज्रिएका सामाग्रि पाइनसक्ने, बढी मूल्यमा कारोबार गर्न सक्ने भएकाले पछिल्लो समय सयुक्त अनुगमन टोली बनाएर संयोजक रहनुभएका उपप्रमुख ढुङ्गाना सहित, नगरपालिकामा रहेको कृषि शाखा प्रमुख छविलाल शर्मा, स्थानीय ब्यावसायी, भद्रभलाद्मी, प्रहरी, जननिर्वाचित प्रतिनिधिको टोली परिचालन हुदै आएको छ ।