किरियापुत्री कल्याणकारी प्रतिष्ठानलाई सानिमा बैंकबाट २५ हजार सहयोग

Posted on: July 15, 2019 | views: 1325

बट्टार । विदुर नगरपालिका–४ बट्टार स्थित हावाघरमा निर्माणभइरहेको किरियापुत्री भवन निर्माणको सयोगार्थ सानिमा बैंकले नगद २५ हजार रुपैयाँ सहयोग उपलब्ध गराएको छ । सहयोग रकम बैंकको तर्फबाट विदुर शाखा प्रबन्धक भोलाराज पन्तले एक कार्यक्रमको बीच सोमबार 'किरियापुत्री कल्याणकारी प्रतिष्ठान'का कोषाध्यक्ष कुबेरमान श्रेष्ठ र सदस्य धुव्रप्रसाद अर्याललाई सयुक्त रुपमा चेक हस्तान्तरण गर्नुभएको हो ।

निर्माणको चरणमा रहेको भवनको लक्ष्य अनुसार कार्य सम्पन्न गर्न आर्थिक अभाव भएकाले बैंकले गरेको सहयोग सानो भएपनि महत्वको रुपमा लिइएको कोषाध्यक्ष श्रेष्ठले बताउनुभयो ।  

सानिमा बैंकले 'सँस्थागत सामाजिक उत्तरदायित्व' बहन अन्तरगत नगद २५ हजार रुपैयाँ किरियापुत्री भवन निर्माणको लागी उपलब्ध गराएको बैंकका जुनियर अफिसर दिपेन्द्र श्रेष्ठले जानकारी दिनुभयो । उक्त बैंकले यसअघि पनि जिल्लाको अन्य स्थानमा सामाजिक एंव शैक्षिक कार्यमा सहयोग पु-याएको थियो ।



तीस महिना अघि विदुरमा शाखा कार्यालय सञ्चालनमा ल्याएको उक्त बैंकको हाल जिल्लाको भौगोलिक रुपमा दुर्गममा पर्ने शिवपुरी गाँउपालिका र किस्पाङ गाँउपालिकामा पनि शाखा कार्यालय स्थापना गरेर बैकिङ्क सेवा दिदै आइरहेको छ ।

जिल्लामा भूकम्प पीडितलाई आवास निर्माण कर्जा, कृषि कर्जा लगायतको क्षेत्रमा सानिमा बैंकको योगदान महत्वपूर्ण रहको छ ।