नुवाकोट उद्योग बाणिज्य संघको पहिलो बैठकका यस्ता छन सात निर्णय

Posted on: April 16, 2019 | views: 1651


विदुर । नुवाकोट उद्योग बाणिज्य संघको दशौ अधिवेशन मार्फत निर्वाचित भएको नयाँ कार्यसमितिको पहिलो बैठकले सँस्थालाई चुस्त, पारदर्शी एंव व्यवसायिक हितको पक्षमा विभिन्न सातवटा निर्णय गरेको छ ।

मंगलबार विदुरमा सम्पन्न भएको बैठकले गाँउपालिका तथा नगरपालिकास्तरीय संघको इकाई स्थापनाको लागी पहल गर्न समिति गठन, उद्योगी व्यवसायीको हितका लागी पचास हजार रुपैयाँको संरक्षण अक्षयकोष स्थापना, व्यवसायिक विपत् व्यवस्थापनको लागी कार्यविधि अनुसार प्रक्रिया अघि बढाउने निर्णय भएको संघका प्रवक्ता सबिन राजभण्डारीले जानकारी दिनुभयो ।


प्रवक्ता राजभण्डारीको अनुसार बैठकले संघमा नयाँ दर्ता गर्ने व्यवसायीको विवरण आधुनिक प्रविधिको तथ्याङ्कमा समावेश गर्ने, जिल्लामा अन्यत्रबाट अनाधिकृत रुपमा भित्रने व्यापारी नियन्त्रणको लागी प्रवेश गर्ने नाकाहरुमा कडाई गर्ने, इलम प्रशिक्षण केन्द्र सञ्चालनको लागी अध्यक्ष तारबहादुर कार्की, बरिष्ठ उपाध्यक्ष गिता अमात्य लगायत रहेको एक कार्यदललाई सिफारिस गर्ने निर्णय भएको छ ।


बैठकले दशौ अधिवेशन मार्फत अत्याधिक मत दिएर ताराबहादुर कार्की नेतृत्वको प्यालनलाई नै बिजयी गराएको भन्दै सम्पूर्ण मतदातालाई धन्यावाद ज्ञापन र निश्पक्ष रुपमा निर्वाचन सम्पन्न गराउन सहयोग पुर्याउने प्रति कृतज्ञत जनाएको छ । संघको नयाँ नेतृत्व चयन भएसगै विभिन्न बैंक तथा वित्तीय सँस्थामा रहेका खाता सञ्चालनको लागी कोषाध्यक्ष दिनेश श्रेष्ठको हस्ताक्षर अनिवार्य हुने र अध्यक्ष र महासचिव मध्ये कुनै एक हुने गरी तीनजनाको हस्ताक्षर रहने निर्णय गरेको छ ।