रिलायबलको नुवाकोटमा शाखा स्थापना

Posted on: January 20, 2019 | views: 1186

विदुर । रिलायबल नेपाल लाइफ इन्स्योरेन्सको शाखा माघ ५ गतेदेखि औपचारिकरुपमा स्थापना गरिएको छ । केही महिनाअघिदेखि जिल्लाका बीमाको काम थालेको रिलायबल लाइफ इन्स्योरेन्सको शनिबार बीमा संस्थानका अध्यक्ष चिरञ्जीवी चापागाईंले उद्घाटन गर्नुभएको हो ।

उहाँले नेपालमा जीवन बीमा र गैरजीवन बीमा दुवैखाले बीमाको राम्रो सम्भावना रहेको बताउनुभयो । अध्यक्ष चापागार्इंले किसानलाई बीमाको पहुचसम्म ल्याउनका लागि स्थानीय तहले सहजीकरण गर्नुपर्नेमा जोड दिनुभयो ।

कार्यक्रममा किस्पाङ गाउँपालिकाका अध्यक्ष छत्र लामा, नुवाकोट उद्योग वाणिज्य सङ्घका अध्यक्ष ताराबहादुर कार्कीलगायतले बीमाको महत्वबारे आ–आफ्नो धारणा राख्नुभएको थियो । रिलायबल लाइफले जिल्लामा ५०० को बीमा गरी रु दुई करोड बीमा रकम सङ्कलन गरेको जनाएको छ ।