नुवाकोट चेम्बरमा कविन्द्रमान प्रधान निर्वाचित

Posted on: January 20, 2019 | views: 1844


विदुर ।  नुवाकोट चेम्बर अफ कमर्सको प्रथम अधिवेशनले कविन्द्रमान प्रधानलाई सर्वसम्मत अध्यक्षमा चयन गरेको छ ।
यही शनिबार माघ ५ गते डि सिलट्याङ्कीमा भएको अधिवेशनले कमर्सको वरिष्ठ उपाध्यक्षमा ओमप्रकाश श्रेष्ठ, प्रथम उपाध्यक्षमा सुन्दरमान दुवाल, द्वितीय उपाध्यक्षमा सुवर्ण श्रेष्ठ, महासचिवमा केशव मिश्र, सचिवमा राजेन्द्र रिजाल र कोषाध्यक्षमा दीपकसेन रिजाललाई चयन गरेको छ ।

सदस्यमा सुमन पाठक, खिलबहादुर अधिकारी, केदार श्रेष्ठ, कृष्णबहादुर प्याकुरेल, रोशन शाह, शिव खड्गी, पूर्णलाल श्रेष्ठ, सञ्जय अमात्य, सम्झना जोशी तथा वस्तुगत सदस्यमा रामजी लम्साल र बद्री प्याकुरेल चयन हुनुभएको छ ।

सो चेम्बर अफ कमर्समा २०० जना व्यवसायी साधारण सदस्य छन् । साधारणसभाको उद्घाटन गर्दै चेम्बर अफ कमर्स प्रदेश नं ३ का अध्यक्ष कृष्णमान श्रेष्ठले नुवाकोट व्यावसायिक केन्द्रका रुपमा विकसित हुँदै गएको बताउनुभयो । उहाँले अन्तर्राष्ट्रिय नाका जाने मार्ग नुवाकोट हुँदै जाने भएकाले यसबाट व्यवसायीले फाइदा लिनसक्नेमा जोड दिनुभयो ।