पेट्रोलियम पदार्थको अापूर्ति बढ्यो, भण्डारण गर्न ठाउँ छैन

Posted on: March 04, 2018 | views: 1251

काठमाडौं । पेट्रोलियम पदार्थको माग दिन प्रतिदिन बढिरहे पनि भण्डारण अभावमा आयल निगमले आपूर्तिमा चुनौती व्यहोर्नुपरेको छ। अहिले नेपालमा मासिक दुई लाख किलोलिटर पेट्रोलियम पदार्थ आयात भइरहेको छ।

तर, पेट्रोलियम पदार्थको भण्डारण निर्माणको कामले गति लिन सकेको छैन। एक वर्ष अघिदेखि नै सातै प्रदेशमा भण्डारणका लागि जग्गा खरिद प्रक्रिया अघि बढाएको निगमले प्रदेश १ को झापा, २ को सर्लाही र बारा, ३ को चितवन र ५ को भैरहवामा जग्गा खरिद गरिसकेको छ । अन्य प्रदेशमामा जग्गाको टुंगो लागेको छैन।

भण्डारणको डिजाइनको लागि टेण्डर गरेको निगमले तीन महिना बितिसक्दा पनि अहिलेसम्म परामर्शदाता छनोट गरेका छैन। 'अापूर्ति बढिरहेकाले भण्डारण क्षमता बढाउन अत्यन्तै जरुरी छ', निगमका निमित्त कार्यकारी निर्देशक सुशील भट्टराइले भने दैनिक रूपमा सहज अापूर्ति चुनौतीपूर्ण बन्दै गएको छ।' नयाँ संरचनाअनुसार काम गर्नुपर्ने भएकाले पनि अन्योलजसतो देखिएको तर काम भने नरोकिएको उनले बताए। गोरखापत्र दैनिकमा समाचार छ