जलविद्युत बजार विस्तार गर्ने लक्ष्य सहित हाइड्रो एक्स्पो हुने

Posted on: December 26, 2017 | views: 167

काठमाडौं ।

नेपालमा जलविद्युतको बजार विस्तारका साथै अनुभव र प्रविधि आदान प्रदान गर्न सहयोग पु¥याउने उद्देश्यले  हिमालयन हाइड्रो एक्स्पो २०१८ आयोजना हुने भएको छ ।

यही पुष २१ देखि २३ गतेसम्म काठमाडौंमा आयोजना हुने मेलामा हाइड्रो पावर निर्माता, हाइड्रो पावरमा प्रयोग हुने उपकरण उत्पादक, सप्लायर्स, डिजाईनर्स र कन्सलट्यान्ट, बीमा कम्पनी, लगानीकर्ता र बैंक तथा वित्तीय संस्था समेत गरी १०० वटा स्टल रहने आयोजक ईपानले जानकारी दिएको छ ।

मंगलवार काठमाण्डौमा आयोजित पत्रकार सम्मेलनमा स्वतन्त्र उर्जा उत्पादक संघ (ईपान) का अध्यक्ष शैलेन्द्र गुरागाईंले सरकारले लिएको विद्युत उत्पादनको लक्ष्य पुरागर्न मेलाले मघत गर्ने बताउनु भयो ।

भृकुटी मण्डप स्थित प्रदर्शनी कक्षमा चल्ने मेलामा भारत र चीनका जलविद्युत उत्पादक कम्पनीको विशेष सहभागिता रहने छ भने भारत र चीन बाहेक दक्षिण कोरिया, जर्मनी, अष्ट्रिया, बुल्गेरिया, चेक रिपब्लिक, इटाली, स्विडेन, बेलायत, ब्राजिल लगायतका मुलुकका सरोकारवाला कम्पनीको पनि सहभागिता रहने छ ।