ईन्धन कालोबजारी गर्ने ११९ विरूद्ध मुद्धा

Posted on: May 03, 2016 | views: 215

२१ चैत, काठमाडौं ।
भारतीय नाकाबन्दीपछि उपत्यकामा ११९ जनाविरुद्ध इन्धन कालोबजारी अभियोगमा मुद्दा परेको छ ।
 
नाकाबन्दीको कारण देखाएर खाना पकाउने एलपी ग्यास, पेट्रोल, डिजल तथा मट्टीतेलमा कालोबजारी गर्ने व्यापारीविरुद्ध यो मुद्दा परेको हो।
 
कारबाहीका पर्नेमा खुद्रा व्यापारीदेखि इन्धन डिपो सञ्चालक र आयल निगममा कर्मचारीसमेत छन्।

कालोबजारी गर्नेहरुबाट करिब ६५ हजार लिटर डिजेल, ३५ हजार लिटर पेट्रोल, हजार सिलिन्डर ग्यास र करिब हजार लिटर मट्टीतेल बरामद भएको छ।
 
महानगरीय प्रहरी कार्यालयका अनुसार १०९ कालोबजारीका मुद्दामा ११८ व्यापारी कारबाहीमा परेका छन् । ५७ जना व्यापारीलाई सचेत गराएर छोडिएको छ ।

भारतीय नाकाबन्दीपछि कालोबजारी विरुद्ध नेपाल प्रहरी, वाणिज्य तथा आपूर्ति व्यवस्थापन विभाग, अधिकारवादी तथा उपभोक्ता संयुक्त रुपमा परिचालित थिए।
 
महानगरीय प्रहरी आयुक्त एआर्इजी प्रतावसिंह थापाका अनुसार इन्धन कालोबजारीविरूद्धको अनुगमनमा काठमाडौं, भक्तपुर र ललितपुरबाट सादा पोसाकका प्रहरीलाइ खटाइएको कारोबार दैनिकमा समाचार छ।