इन्भेष्टमेन्ट बैंकले १५ प्रतिशत बोनस र २५ प्रतिशत नगद लाभांश दिने

Posted on: October 24, 2017 | views: 186

काठमाडौं । नेपाल इन्भेष्टमेन्ट बैंकको साधारणसभाले असार मसान्तसम्म कायम शेयर पूँजीको १५ प्रतिशत बोनस र २५ प्रतिशत नगद लाभांश दिने प्रस्ताव पारित गरेको छ ।


इन्भेष्टमेन्ट बैंकको मंगलबार सम्पन्न साधारणसभाले यो प्रस्ताव पारित गरेको हो । यससहित बैंकको चुक्ता पूँजी १० अर्ब ६२ करोड पुगेको छ । यो चुक्ता पूँजी नेपालका बैंकहरुमध्ये सबैभन्दा बढी हो ।


नेपाल इन्भेष्टमेन्ट बैंकले गत आर्थिक वर्षमा ३ अर्ब ११ करोड खुद नाफा गरेको थियो । 


साधारणसभाले ४ जना नयाँ सञ्चालक समेत चयन गरेको छ । सञ्चालकमा कविकुमार टिवरेवाला, प्रजन्य राजभण्डारी, सूर्यप्रकाश लाल श्रेष्ठ र पृथ्वीबहादुर पाँडे रहनुुभएको नेपाल इन्भेष्टमेन्ट बैंकले जनाएको छ ।