विपन्नलाई विद्युत जडानमा अनुदान

Posted on: October 19, 2017 | views: 208

कुश्मा ।

पर्वतको कुश्मानगरपालिका १४ आर्थरडाँडाखर्कले विपन्न परिवारलाई विदुत जडानमा अनुदान दिने निर्णय गरेको छ । विपन्न संग विद्युत जडानका लागि रकम नभएका कारण विजुली वाल्न नपाएको महसुस गरि अनुदान दिने निर्णय गरेको वडाधयक्ष भीमप्रसाद गुरुङले वताउनुभयो । 

वडाले गरिव ररर दलित परिवारलाई तार खरिद, मिटरवक्स खरिद र वायरिङमा अनुदान दिने भएको हो । वडाध्यक्ष गुरुङले भन्नुभयो, ‘पैसा नभएर सय घरले विजुली वाल्न पाएनन्,‘त्यहि भएर वडाले अनुदान दिन लागिएकोे हो ।’ 

अधिकाँश दलित र जनजाती समुदाय वसोवार रहेको कुश्मा १४ मा विपन्न परिवारले विजुली वाल्न नपाएको भन्दै वडामा निवेदन दिएका थिए । निवेदन आएपछि लक्षित वर्गको वजेटले त्यस्ता दलित र विपन्नलाई मिटर, वायरिङ र तार खरिदमा लाग्ने खर्च दिने निर्णय गरका वडासदस्य होमनाथ रिमालले वताउनुभयो ।  

उहाँले भन्नुभयो, ‘सबैको पहिचान गरेर प्रत्येकलाई अनुदान दिने निर्णय भएको छ ।’ साबिक आर्थर गाविसको ६ वडामा सामुदायिक र ३ वडामा केन्द्रीय प्रसारण लाइनको विद्युतीकरण गरिएको छ ।

निर्वाचित जनप्रतिनिधिले जनतालाई गाउँमै प्रत्यक्ष राहत दिने प्रतिबद्धता कार्यान्वयन गर्न यस्तो निर्णय गरिएको वडा सदस्य रिजालले बताउनुभयो । वडा समितिको मंगलवारको वैठकले उक्त निर्णय लिएको हो ।