दशैंपछि पहिलोपटक दोहोरो अंकमा सेयर बजार भढ्यो

Posted on: October 16, 2017 | views: 198

काठमाडौं ।

धितोपत्र बजार आज सोमवार दोहोरो उच्च अंकले बढेको छ । 

नेपाल स्टक एक्सचेञ्जका अनुसार बजार ४६.६२ अंकले बढेको छ । दशैँपछि उच्च बिन्दुले बजार बढेको आज पहिलो पटक हो । 

दोहोरो अंकले बजार बढ्दा नेप्से परिसूचक एक हजार ५६४ बिन्दुमा पुगेको छ ।

बजारमा लगानीकर्ता सम्हालिएर लगानी गर्न थालेको तथा राजनीतिकरूपमा पनि निर्वाचनको माहोल बनेकाले विश्वास बढेको विश्लेषण गरिएको छ । 

सोमवार कूल १६३ कम्पनीको १४ लाख ५६ हजार ६३७ कित्ता शेयरहरु ६० करोड ५० लाख सात हजार ६१४ मूल्यमा किनबेच भएका छन ।  

स्टकमा समूहगत परिसूचकतर्फ बैंकिङ, होटल,विकास बैंक,जलविद्युत्,वित्त, बीमा र अन्य समूह कारेवार बढेको छ भने व्यापार समूहको कार्ेवार मात्र घटेको छ ।