द्रुतमार्गको डीपीआर भारतीय कम्पनीसँग किन्ने निर्णय

Posted on: October 13, 2017 | views: 181

काठमाडौं ।

सरकारले काठमाडौं निजगढ द्रुतमार्ग निर्माणका लागि भारतीय कम्पनीले तयार पारेको विस्तृत प्रतिवेदन अध्ययन 'डीपीआर' किन्ने निर्णय गरेको छ ।


मन्त्रिपरिषद्को शुक्रबार बसेको बैठकले डीपीआर अध्ययन गरी मूल्य सिफारिस गर्ने जिम्मा निर्देशक समितिलाई दिएको छ ।

भारतीय कम्पनी इन्फ्रास्ट्रक्चर लिजिङ एण्ड फाइनान्सियल सर्भिसेस 'आईएल एण्ड एफएस'ले डीपीआर बनाएको छ ।


सुरुमा द्रुतमार्गलाई बुट प्रणालीमा निर्माण गर्ने गरी यो कम्पनीलाई डीपीआर तयार गर्न दिएको थियो । तर नेपाल आफैंले द्रुत मार्ग बनाउने निर्णय गरेपछि डीपीआर नेपाललाई दिन असहयोग गर्दै आएको सो कम्पनीले पछिल्लो समय चर्को मुल्य तोकेको बताइएको छ ।


देशभर चौतर्फी दबावपछि पुष्पकमल दाहाल सरकारले द्रुतमार्ग निर्माणको जिम्मा नेपाली सेनालाई दिने निर्णय गरेको थियो ।

सेनाले प्रारम्भीक अध्ययन गरेपछि अब डीपीआर अध्ययनका लागि प्रक्रिया सुरु भएको छ ।