पर्वतको कफि अमेरिका देखि कोरिया सम्म

Posted on: October 12, 2017 | views: 137

कुश्मा । 

पहाडी जिल्ला पर्वतमा उत्पादन भएको अर्गानिक कफि अमेरिका र कोरिया सम्म विक्री हुन थालेको छ । नेपालकै उत्कष्ठ कफिको परिचय कमाएको पर्वतको कफि स्वाद र गुणस्तरकै कारण विदेशमा समेत माग हुने गरेको हो । जिल्ला कफि व्यवसायी संघले पर्वतको कफि अमेरिका र कोरिया पठाउने गरेको छ । 

जिल्ला कफि व्यवसायी संघका अध्यक्ष भवानी प्रसाद शर्माका अनुसार वार्षिक रुपमा ५ देखि ६ टन सम्म कफि विदेशमा विक्री हुने गरेको छ । विशेष गरेर क्याफे सञ्चालकहरुले सिधै कनट्याक्ट गरेर माग गर्ने गरेको शर्माले जानकारी दिनुभयो । 

जिल्लाका व्यवसायिक कृषकहरु विदेश सम्म व्यापार विस्तार भएकोमा हौसिएका छन् । पर्वतका विभिन्न ठाउँमा गरेर वार्षिक २१ टन तयारी कफि उत्पादन हुने गरेको छ । जिल्लामा अहिले एक जिल्ला कफी व्यवसायी संघ, एक जिल्ला कफी सहकारी संघ, १७ प्रारम्भिक कफी सहकारी संस्था, ७० कफी उत्पादन समूह र ४० महिला आयआर्जन समूहमा दुई हजार सात सय कृषक प्रत्यक्ष रुपमा कफी खेतीमा संलग्न छन् । 

सदरमुकाममा रहेको जिल्ला कफि व्यवसायी संघले कृषकहरु संग खरिद गरेर कफिको प्रसोधन र प्याकेजिङ गर्ने गरेको छ । जिल्ला कफि सहकारी संघले कृषकहरु संग खरिद गर्ने र वजारीकरण पनि गर्ने भएपछि कृषकहरुलाई सहज भएको कुर्घाका वुद्धिप्रसाद पौडेलले वताउनुभयो । कफि व्यवसायी संघले कृषकहरुवाट पार्चमेण्ट कफि प्रतिकिलो ५ देखि ५५० र चेरी कफि ८० रुपैयाँमा खरिद गर्ने गर्छ ।

जिल्ला कफि सहकारी संघले आफैँ कफिका विरुवा उत्पादन गर्ने गरेको छ । तिन वटा नर्सरीमा यो वर्ष विरुवा उत्पादन भैरहेको जिल्ला सहकारी संघले जनायो । तिनवाट नर्सरीमा १ लाख २० हजार विरुवा रोपिएको छ । विरुवा जिल्ला भित्रै र वाहिरी जिल्ला वागलुङ,म्याग्दी, कास्कि, लमजुङ, स्याङजा र धादिङका वढि मात्रामा विक्री हुने गरेको जिल्ला सहकारीका सञ्चालक समिक्षा शर्माले जानकारी दिनुभयो । जिल्ला कफिको विरुवामा आत्मनिर्भर रहेको छ ।