चितवनमा कुखुरा पालक र प्रविधिको अन्तर्राष्ट्रिय पोल्ट्री मेला हुने

Posted on: October 10, 2017 | views: 297

चितवन । नेपालमा आगामी कात्तिक १७ गतेदेखि ३ दिनसम्म भरतपुरको औद्योगिक प्रदर्शनीस्थलमा अन्तर्राष्ट्रिय पोल्ट्री तथा लाइभस्टक मेला आयोजना हुने भएको छ  । 


नेपाल पोल्ट्री महासंघको आयोजनामा हुने मेलामा विदेशी १०० र नेपाली १०० कक्ष रहने उपाध्यक्ष टीकाराम पोख्रेलले जानकारी दिनुभयो । 


मेलामा भारत, चीन, अमेरिका, जर्मनी, फ्रान्सलगायत देशका व्यवसायीले कक्ष बुकिङ गरिरहेका र करिब १२ देशका व्यवसायीहरु सहभागी हुने अनुमान गरिएको सो एक्स्पोमा पोल्ट्रीसँग सम्बन्धित सबैखाले उत्पादनहरका कक्ष रहने छन ।


एक्स्पोका संयोजक एवं महासंघका अध्यक्ष गुणचन्द्र विष्टले पोल्ट्री क्षेत्रका पछिल्लो प्रविधि एक्स्पोमा प्रदर्शन गरिने र एक्स्पोमा दाना, औषधि, ह्याचरी, खोर निर्माण गर्ने हाउजिङ कम्पनी, प्याकेजिङ कम्पनीलगायत कक्ष रहने बताउनुभयो ।