साताको दोश्रो दिन पनि नेप्से ओरालो

Posted on: October 09, 2017 | views: 201

काठमाडौं । साताको दोश्रो दिन सोमबार पनि नेपाली शेयर बजारको परिसूचक नेप्से ओरालो लागेको छ । 


लामो बिदापछि खुलेको बजारको परिसूचक नेप्से आइतबार ३२ अंकले ओरालो लागेको थियो भने सोमबार ८।१२ अंकले ओरालो लागेर १ हजार ५०१ बिन्दुमा पुगेको छ । 


सोमबार अन्य समूहबाहेक अरू सबै समूहका परिसूचकहरु घटेका छन । सोमबार १५२ कम्पनीहरुका ६ लाख ४३ हजार ५ कित्ता शेयरहरु ३१ करोड ६८ लाख छ हजार ७५८ मूल्यमा किनबेच भएको छ । 


स्टकका अनुसार आज अन्य समूहको शेयर कारोबारमा भने ४.९२ बिन्दूले बढोत्तरी भएको छ । बैंकिङ ९, व्यापार ३.०४, होटल १.६, विकास बैंक १२.६३, जलविद्युत् ६.२९, बीमा ४७.२७ र वित्त क्षेत्र ८.१४ बिन्दूले घटेको छ । 


यसैबीच नेपाल धितोपत्र बोर्डले धैर्यतापूर्वक रहन र अनावश्यक टिप्पणीमा नअल्झन लगानीकर्ताहरुलाई आग्रह गरेको छ । बोर्डले एक सूचनामार्फत बजारलाई प्रभावित पार्ने प्रवृत्तिसँग सतर्क रहन पनि आग्रह गरेको छ ।