कागवेनी–मुक्तिनाथ सडक खण्डको कालोपत्रे सम्पन

Posted on: September 28, 2017 | views: 334

मुस्ताङ ।

हिमालपारीको जिल्ला मुस्ताङको कागबेनीदेखि मुक्तिनाथसम्मको सडक कालोपत्रे गरिएको छ। 

मुस्ताङ जिल्लामा सञ्चालित ग्रामीण पुर्ननिर्माण तथा पुनःस्थापना आयोजनाको सहयोगमा पहिलोपटक सडक कालोपत्रे भएको हो । 

२ वर्ष अघिदेखि सुरु भएको कालोपत्रेको काम दशै अगाडि सम्पन्न भएको हो। १२ किलोमिटर लामो सडक कालोपत्रे गरिएसँगै प्रसिद्ध धार्मिक एवम् पर्यटकीय स्थल मुक्तिनाथ जाने यात्रुका लागि सहज हुने भएको छ। 

जिल्लामा झण्डै २५० किलोमिटर सडक सञ्जाल भएपनि हालसम्म कुनै पनि सडक खण्डमा कालोपत्रे भएको छैन । 

कालोपत्रेका लागि २ महिनादेखि रोकिएको यातायात सुविधा काम सकिएसँगै नियमित सञ्चालनमा आएको मुस्ताङका जिल्ला इञ्जिनियर रविन्द्र तिवारीले जानकारी दिए। 

साँघुरो सडक, मौसमको प्रतिकुलता र उच्च भेगमा भएका कारण कामलाई तदारुकताका साथ अघि बढाउन नसकिए पनि दुई वर्षको अन्तरालमा २० करोडको लागतमा कालोपत्रे गरिएको तिवारीले जानकारीले दिए। जिल्ला समन्वय समिति र डोलिडारको संयुक्त लगानीमा कालोपत्रे भएको सडकलाई सदरमुकाम जोमसोमसम्म नै कालोपत्रे गर्ने तयारी सुरु भएको छ। 

जिल्लाको सदरमुकाम जोडने वेनी जोमसोम सडक खण्डसमेत हालसम्म कालोपत्र भएको छैन । सडक खण्ड कालोपत्रे नहुँदा सडक मार्ग हँुदै मुक्तिनाथ जाने तीर्थयात्रुले झन्झट बेहोर्दै आएका छन् ।