नेपाल टेलिकमद्वारा दशैं तिहारमा विशेष छुट

Posted on: September 20, 2017 | views: 358

काठमाडौं ।

नेपाल टेलिकमले नेपालीहरुको महान चाड विजया दशमीको उपलक्ष्यमा विगत वर्षहरुमा जस्तै यस वर्ष पनि कम्पनीका सेवाहरुमा छुट उपलब्ध गराएको घोषणा गरेको छ । 


जिएसएम तथा सिडिएमए प्रिपेड मोबाइलमा रिचार्ज कार्डमार्फत रिचार्ज गर्दा २०७४ असोज ५ 'घटस्थापना' गतेदेखि १० गतेसम्म  ५०, १००, २००, ५०० र १०००।– का रिचार्ज कार्ड मार्फत रिचार्ज गर्दा १० प्रतिशत बोनस उपलब्ध गराउने भएको हो । 


त्यसैगरी ल्याण्ड लाइन सेवाका ग्राहकहरुलाई न्युनतम मासिक महसुल २००।– मा १७५ स्थानीय कल निःशुल्क उपलब्ध गराइरहेकोमा असोज र कात्तिक महिनामा १००–१०० स्थानिय कल थप गरी न्यूनतम मासिक महसुलमा कुल २७५ कल निःशुल्क उपलब्ध गराउने लगायतका अन्य धेरै छूट पनि उपलब्ध गराएको टेलिकमले जनाएको छ ।