प्रेम -राई अनू पृथक

Posted on: June 08, 2016 | views: 593

नछोईकन तिमीले
म निथ्रुक्क भिज्छु
नहेरीकन तिमीले
अाँखा जुधाई रहन्छु
महशुस गरिरहन्छु
पल पल हरपल
हेरि रहन मन पराउंछु
लाग्छ
यी अाँखा हटाउंदै नहटाऊं
तिम्रो निलो शरीर
सेताम्मे कपाल
कालो अनुहार
टिलपिलटिलपिल
अाँखा र
नाक जस्तै नाकको अाकृति
मुहार जस्तै मुहारको नक्शा
सर्लक्क पाउंछु
जब,
जब

तिमीलाई हेरेर महशुस गर्छु नि
यस्तो लाग्छ सबथोक तिमी हौ मेरो
अरु कुराको यादै हुन्न
तिमीलाई हेर्न थालेपछि
अाफैलाई भुल्दछु
अनि
अाफ्ना हरेक पिडाहरु
जो म कसैलाई सुनाउन सक्दिन
तिमीलाई हेरे पछि
छिनभरमै छु मन्तर हुन्छ
के जादु छ तिमीसँग म जान्दिन
यत्ति जान्दछु
तिमीलाई
खुब माया गर्छु
नछोईकन्
नभेटीकन्
दुररररररर बाटै
भए नि मेरो प्रेम कैले घट्ने छैन्
म कसम खान्छु
प्रिय
निलो अाकाश

सेता
बादलहरू