एलिसा पौडेलको "गजल"

Posted on: May 31, 2016 | views: 1671

कोहि मंगोल कोही मुस्लिम कोही आर्य छैन
मलाई यो धार्मीक विभाजन स्वीकार्य छैन

मान्छे गुणले सबैभन्दा सुन्दर देखिन्छन्
सुन्दर हुनलाई शृङ्गार अनिवार्य छैन

जिन्दगीको पाठ पढाउने गुरु खोजिराछौ
बुझ, समयभन्दा ठूलो अर्को आचार्य छैन

ए राम भरोषाको पनि त मूल्य हुन्छ होला
जहिल्यै यो अग्निपरीक्षा अपरिहार्य छैन

मेरो सत्यवान खोस्नु अघि जान्नु यमले
'साबित्री'लाई प्रेमवियोग शिरोधार्य छैन