समाज परिवर्तन गर्न  साहित्यको भूमिका महत्वपूर्ण :प्रधानमन्त्री

Posted on: May 03, 2016 | views: 346

काठमाडौं,चैत २६ ।  प्रधानमन्त्री के.पी.शर्मा ओलीले साहित्यले समाजलाई परिवर्तन र आधुनिक बनाउन महत्वपूर्ण भूमिका निर्वाह गर्ने बताउनुभएको छ । प्रगतिशिल लेखक संघ केन्द्रिय समितीको दशौं राष्ट्रिय सम्मेलनको आज उद्ध्घाटन गर्दै प्रधानमन्त्री ओलीले सृजनाका लागि मात्र साहित्य नभइ समाज परिवर्तनका लागि साहित्यलाई उपयोग गर्नुपर्ने बताउनुभयो । ‘कुनै पनि सृजना बिचारबाट निर्देशित हुनुपर्छ’ प्रधानमन्त्री ओलीले भन्नुभयो ‘नेपालका जुनसुकै राजनीतिक परिवर्तनका लागि साहित्यको महत्वपूर्ण योगदान रहेको छ ।’
  साहित्यले समाजलाई संगठिन गर्न पनि महत्वपूर्ण भूमिका निवार्ह गर्ने प्रधानमन्त्री ओलीको भनाइ छ । लीपी नभएका बेला पनि श्रुती साहित्यले समाज परिवर्तनमा महत्वपूर्ण भूमिका निर्वाह् गरेको प्रधानमन्त्री ओलीले बताउनुभएको छ । त्यही श्रुती साहित्य स्थानान्तरण भएर आंउदा हाम्रा लोककथा , गीतहरु बनेको प्रधानमन्त्री ओलीले बताउनुभयो ।
चिन्त बिनाको साहित्यले कुनै सन्देश प्रवाह नगर्ने प्रधानमन्त्री ओलीले बताउनुभयो । ‘चिन्तन र साधना बिनाको साहित्यले सन्देश प्रवाह गर्न सक्दैन’ प्रधानमन्त्री ओलीले भन्नुभयो ‘हाम्रा पुर्खाहरुले कठोर साधना गरेर महाभारत रचना गरे । हामीलाई साधना गर्ने बानी हटेर हाइकुमा आइपुग्यौं । ’
  नेपाली साहित्य र संगितलाई बलियो बनाउन सरकार सधैं सकारात्मक रहेको बताउदै प्रधानमन्त्री ओलीले साहित्यकारहरुको मागमा सरकारले आवश्यकता अनुसार सहयोग गर्ने प्रतिवद्धता व्यक्त गर्नुभयो ।