हराएको छैन म

Posted on: April 02, 2019 | views: 2466















0 नारायण नेपाल,

यत्र तत्र छरीएका
काँचका टुक्राहरु झै
अलपत्र सपनाहरु लिएर
समरका ति भग्नावशेषहरु माथि
अर्को नया चिहान खन्ने अठोटसगै
सुदुर क्षितीजको उदाउदा
ताराहरु नियाल्दै छु
हराएको छैन म
बामे सर्दै छु ।
 
लालवस्तीले जन्मएका
गोमन सापहरु
डस्दैछन् आज
समरका सपनाहरु
हाम्रो भर्सेलीमा आगो ताप्दै
तर मार्न पल्केका
पल्लो घरका काला बिरालोहरु
गाउघरमा विगबिगी हुदा
हिजो गाउ छाडी भागेका व्बाँसाहरु
रगत चुस्न गाउ पसिरहेका वेला
यि गाउ बस्तीहरु छाडेर
कहा जाउ र म ?
तिम्रो कसम भिमसरा
तिम्रै अंगालोमा आउने छु
तिम्रै आशु रगत र पसिना पुछनलाई
साच्चै प्रिय भिमसरा
हराएको छैन म
हेरत बामे सर्दै छु ।

बर्लिनको पर्खालमा उभिएर
शितयुद्ध चलेको बेला
सगरमाथाको शिरमा उभिएर
महाभारत पर्वतहरु छिच्लदै
चुरेपहाडका बनकुञ्जहरु
नियाल्दै छु म
कतै सुन्यौ त
बिगुल बजेको तिमीले
ए लालबहादुर
प्रभाती रविको आलोकमा
सुर्वणीम युगका ,नया गोरेटाहरु
कतै देख्यौ त तिमीले
 प्रिय भिमसरा  
यो जनक्रान्तिको यात्रामा
उ हेरत हिमाली देशमा
क्रान्तिको राँको बल्दै छ ।
हराएको छैन म
हराउने तरखर गर्दै छु ।

त्यसैले आउ
ए मेरा प्रिय खसम
तिमीलाई मेरो कसम
आउदै छन मालचरीहरु
एक हुल बथान लिएर
नया अभियान लिएर
आउदैछन तिनिहरु
त्रिशुलीको छालहरु झै उलिएर
महासमरको हाम्रो सुनौला सपनि लिएर
हो ठिक त्यही बेला
म त्यही हुने छु
घाम छाया झै लुकामारी गर्दै
गाउ शहर र गल्लीहरुमा हुने छु
अहँ हराएको छैन म ।
हराउने तरखर गर्दै छु ।

अहँ हराएको छैन म
हो कहिल्यै हराउने छैन म
ब्वाँसाहरुका लुटतन्त्रमा
बाघ बनेर सताउने छु
यि लालबस्तीहरुमा
वर्गप्रित लगाउने छु
हो साच्चै हराएको छैन म
हेरत अघि बढर्दै छु ।

साच्चै हो प्रिय भिमसरा
तिमीलाई मेरो कसम
हराएको छैन म र मेरो सपनाहरु
हाम्रा सपनाहरु ।
यो युगको उत्सर्गका
स्वपनील यात्राहरु ।।