लिम्बू, अनुरागी, पन्त र दर्शनधारीलाई पुरस्कार

Posted on: May 02, 2016 | views: 299

२१ चैत, काठमाडौं ।
स्वरसम्राट् नारायणगोपालको स्मृतिमा राष्ट्रिय युवा सेवा कोषद्वारा २०४८ सालमा स्थापित ‘नारायणगोपाल युवा सङ्गीत’ पुरस्कार यस वर्षका लागि गायक तथा सङ्गीतकार दीपक लिम्बू र बिबी अनुरागीलाई संयुक्त रुपमा प्रदान गरिने भएको छ ।

वरिष्ठ सङ्गीतकार दीपक जङ्गमको अध्यक्षतामा शुक्रबार बसेको बैठकले सो निर्णय गरेको हो ।

यसैगरी राष्ट्रिय विभूति अरनिकोको स्मृतिमा कोषद्वारा २०५७ सालमा स्थापित ‘अरनिको युवा कला पुरस्कार’ यस वर्षका लागि चित्रकारद्वय राजनकुमार पन्त र सौरगङ्गा दर्शनधारीलाई संयुक्त रुपमा प्रदान गरिने छ ।