देश बिगार्ने नेतामा अक्कल उतैबाट आउँछ : सम्झना 'सानु'

Posted on: May 02, 2016 | views: 290

 

गजल

,,,,,,,,,,,,,,,,,,,
देश बिगार्ने नेतामा अक्कल उतैबाट आउँछ ।
हाम्रा समस्याको गलत हल उतैबाट आउँछ ।
,,,,,,,,,,,,,,,
नेपाली हौं भनेर मात्रै अझै कति गर्व गर्ने ?
नुन,बेसार ,दाल,चामल उतैबाट आउँछ ।
,,,,,,,,,,,,,,,,
शिरमा सगरमाथा मनमा बुद्ध राखी हिड्नेथें ,
शिरको टोपी पाउको चप्पल उतैबाट आउँछ ।
,,,,,,,,,,,,,,,,
हामीमाथिकै आकाश नि हाम्रो हैन जस्तो लाग्छ ,
मडारिदैं त्यो कालो बादल उतैबाट आउँछ ।
,,,,,,,,,,,,,,,,,
आजभोलि त शृङ्गार गर्नतिर ध्यानै जाँदैन,
सिन्दुर,पोते,टीका,गाजल उतैबाट आउँछ ।

देश बिगार्ने नेतामा अक्कल उतैबाट आउँछ ।
हाम्रा समस्याको गलत हल उतैबाट आउँछ ।