अप्रिल faool-एलिशा पौड्याल

Posted on: May 03, 2016 | views: 328

अप्रिल fool

भिडियो एक्स रे गराउँदा
डाक्टरले बा आमासँग
अप्रिल fool मनाएर
जन्मिएकी म यो धर्तीमा 
सोच्नुस् 
यो दिवस 
मेरा लागि कति महत्त्वपूर्ण होला
एक अर्थमा त 
यो मेरो जन्मदिन हो
होस गर्नुहोस्
म जे नि गर्न सक्छु
खुसीयालिमा
मेरो त जन्मै झुटो 
मलाई झुक्याउन के आपत्ति?

झुक्याउनुहुन्न भन्ने
हजुर महासय
मेरो त अस्तित्वै झुटमा छ
म के गरौँ
ती झुटा डाक्टर
मतलब
बाआमालाई झुक्याउने डाक्टर 
मेरा नजरमा भगवान हुन्
बा'का आँखामा शैतान भएपनि
नानीदेखी लाग्या बानी भन्छन्
मैले त झन्
गर्भमै सिकेँ झुक्याउन
कृपया,
मलाई नझुक्या नभन्नु होला


बा
रक्षा गर्छन् छोरीको
यश अर्थमा 
मलाई बचाउने ती अपरिचित डाक्टर 
मेरा बा हुन्
बा गुरु हुन्
हर छोरीले 
बा बाटै त पाठ पढ्छिन् जिन्दगीको 
मैले पनि पढेँ
मैले पनि सिकेँ
मेरा बा बाट जिन्दगीको पाठ
अब 
भन्नुहोस् महासय 
मैले सिकेको पाठ
लागू गर्नु कि नगर्नु??
मेरा गुरु
मेरा बा 
सही कि गलत???