उत्तर कोरियाले गर्यो ब्यालेस्टिक मिसाइलको सफल परीक्षण

Posted on: May 14, 2017 | views: 860

एजेन्सी ।

उत्तर कोरियाले विश्व समुदायको दबावका बिच फेरि ब्यालेस्टिक मिसाइल परीक्षण गरेको छ ।


उत्तर कोरियाले राजधानी प्योङयाङको उत्तर–पश्चिमी क्षेत्र कुसोङबाट ब्यालेस्टिक मिसाइल प्रक्षेपण गरेको दक्षिण कोरियाली सेनाले जनाएको छ ।


मिसाइल सात सय किलोमिटर परसम्म पुगेको बताइएको छ । मिसाइलको सफल परिक्षण भएको ठानिएको छ ।


संयुक्त राष्ट्र संघको प्रतिबन्धका बाबजुद उत्तर कोरियाले पाँच पटक परमाणु परीक्षण गरिसकेको छ ।


लामो दूरीमा मार हान्न सक्ने मिसाइलको तयारी गरिरहेको पनि उत्तर कोरियाले जनाएको छ । उत्तर कोरियाले गएको महिना दुईवटा मिसाइल परिक्षण गरेकोमा दुवै असफल भएको थियो ।