पाकिस्तानी प्रधानमन्त्री तत्काल पदबाट हट्नु नपर्ने, भ्रष्टाचार आरोप छानविन गर्न अदालतको आदेश

Posted on: April 21, 2017 | views: 356

एजेन्सी ।

पाकिस्तानी प्रधानमन्त्री नवाज शरिफ माथि लागेको भ्रष्टाचार आरोपबारे छानबिन हुनुपर्ने बताउँनु हुदै तत्काल सत्ताबाट हटाउनुपर्ने आधार भने नदेखिएको पाकिस्तानको उच्च अदालतले बिहीबार निर्णय सुनाएको छ । 


पाकिस्तानी प्रधानमन्त्री शरिफ र उहाँको परिवारका सदस्यमाथि लागेको भ्रष्टाचार आरोप सम्बन्धी मुद्दा अदालतमा विचाराधीन छ ।


सन् २०१६ मा पानामा पेपर्समा आएको सूचनामा शरिफका परिवारको विभिन्न विदेशी कम्पनीहरुमा संलग्नता रहेको भनी सार्वजनिक भएपछि पाकिस्तानमा यो मुद्दाले विशेष ध्यानाकर्षण गराएको छ ।


प्रधानमन्त्रीको भ्रष्टाचार आरोपमा गहिरो अनुसन्धान आवश्यक हुने देखिएको, न्यायाधीश असिद सैयद खोसाले बताउनुभयो ।