उत्तरद्धारा परमाणु आक्रमणका लागि तयार रहन अमेरिकालाई चेतावनी, यस्तो छ अवस्था

Posted on: April 15, 2017 | views: 491

एजेन्सी ।

जे अपेक्षा गरिएको थियो ठिक त्यस्तै सैन्य र अस्त्र उपलब्धि सहित उत्तर कोरियाले आफ्ना संस्थापक नेता किल इल सुंगको १ सय ५ औं वर्षगाँठ धुमधामका साथ मनाएको छ ।


सँगै उसले यो उत्सवका बेलामा दिनसक्ने ठानिएको अभिव्यक्ति युद्धकै बारेमा बोल्दै अमेरिकालाई घातक आणविक आक्रमको लागि तयार रहन चेतावनी दिएको छ ।


उत्तरको सैनिक तामझाम र राष्ट्रिय दिवस


यो हप्ता उत्तर कोरियाको राजधानी प्यांगयांग भित्रि रुपमा निकै तनाव र बाहिरि रुपमा तामझाममा देखियो ।

राष्ट्रिय दिवसको अवसरमार राजधानी प्योंगयाङको सडक चम्कियो । महिलाहरु उत्तर कोरियाको पारम्परिक पोशाकमा सजिए भने पुरुष कालो र खैरो रङको सूटमा ।


प्योंगयांगमा छुट्टीको जस्तो देखिएको थियो भने सेनाको पुरानो खोलिएको ट्रकमा पुरुष र महिला सैनिक सवार देखिन्थे । महिला सैनिक मुस्कानका साथ मानिसहरुतर्फ हात हल्लाउँछन् भने पुरुष सैनिक गीत गाइरहेको देख्न सकिन्थ्यो ।


साधारणतया संसारबाट सम्पर्कविच्छेद गरेको उत्तर कोरियाले विदेशी मिडियालाई पनि यो समारोहको कभर गर्नका लागि करिव ३ सय बिदेशी पत्रकारलाई बोलाएको थियो ।


यो समारोहमार्फत उत्तर कोरियाले संसारलाई आफ्नो सैन्य ताकत देखाउन चाहेको प्रष्ट झल्किन्थ्यो ।


उत्तर कोरियाको इतिहासलाई पल्टाउने हो भने उक्त देश आफ्नो धेरैजसो सैन्य परिक्षण यस्तै विशेष मौकामा गर्दै आएको छ । यस्तोमा उनले अर्को परमाणु परिक्षणको आदेश दिनसक्ने प्रबल सम्भावना देखिन्थ्यो । यद्यपी तत्काल यस्तो घोषणा भने भएन ।


उत्तर कोरियाले भर्खरै परमाणु परिक्षण गरेकोमा पूरा कोरियाली प्रायद्वीपमा तनावको स्थिती छाएको छ ।



जापान र दक्षिण कोरियाले यी परिक्षणमाथि कडा आपत्ति जनाउँदै संयुक्त राष्ट्र सुरक्षा परिषदलाई यो मुद्दामा चर्चा गर्नका लागि आपतकालीन बैठक बोलाउनु परेको थियो ।


के भईरहेछ कोरियाली प्रायदिपमा अमेरिकी सैन्य भड्काउपछि


उत्तर कोरियामा तनाव बढिरहेको छ र त्यहाँ ‘कुनै पनि बेला’ युद्ध हुनसक्ने चेतावनी चीनले दिएको छ ।


चीनका विदेशमन्त्री वांग यीले यदि युद्धको सुरुवात भइहाले पनि जित कसैको हातमा नहुने सम्भावना व्यक्त गरेका छन् ।



वांगले भने, ‘एक अर्कालाई भड्काउने र धम्काउन बन्द गर्न म सबैलाई अपिल गर्न चाहन्छु । चाहे शब्दले होस् वा व्यवहारले अप्ठेरो स्थितीलाई कसैले पनि निम्त्याउनु हुँदैन ।’


चीनियाँ विदेशमन्त्रीको यो बयान यस्तो समयमा आएको छ जब अमेरिकामा उत्तर कोरियाको परमाणु हतियारको विकासको विषयमा चिन्ता बढिरहेको छ र उनले कोरियाली प्रायद्वीप नजिकै आफ्नो एक युद्धपोत तैनाथ गरेको छ ।


यसै बिच उत्तर कोरियाले शनिबार आफ्नो छैठौं परमाणु बम परिक्षण गर्नसक्ने आशंका गरिएको छ जुन सम्भवतः एक लामो यात्रा तय गर्ने परमाणु हुनेछ ।


शनिबार उत्तर कोरियाका प्रथम नेता किल इल–सुंगको १ सय ५ औं जन्मजयन्ती हो ।



चीन, उत्तर कोरियाको समर्थन गर्ने एकमात्र देश हो र चीन यो कुरामा चिन्तित छ कि यदि लडाईंबाट उत्तर कोरियामा किम जोंग–ऊनको सत्ता सिद्धियो भने यसले चीनको सीमामा शरणार्थी संकट उत्पन्न हुनसक्छ ।


चीनलाई यो पनि डर छ कि उत्तर कोरियाको सत्ता समाप्त हुँदा एक बफर क्षेत्र समाप्त हुनेछ जुन चीन र दक्षिण कोरियाबिच  एक तटबन्धको काम गर्दछ जहाँ अमेरिकाले आफ्नो सैन्य अड्डा बनाएको छ ।


यसै कारणले पनि चीन उत्तर कोरियालाई धेरै कुरा भन्नबाट बच्छ । यद्यपी, अहिलेको समयमा चीन आफ्नो छिमेकीलाई निराशा बनाउने संकेत मिलेको छ ।


चीनले उत्तर कोरिषबाट कोइलाको आयातमा रोक लगाइदिएको छ । साथै, चीनको सरकारी प्रसारण सेवा सिसिटिभीले दिएको जानकारी अनुसार चीनले आउँदा अप्रिल १७ बाट बेइजिङ र प्योंगयांगबिच एयर चाइनाको सिधा सेवा स्थगित गरिदिएको छ ।


अमेरिका र उत्तर कोरियाबिच बढिरहेको छ तनावः


चीनको चिन्ता अमेरिकी राष्ट्रपति डोनल्ड ट्रम्पले बिहिबार गरेको टिप्पणीले अझै थपिएको छ जसमा उनले भनेका थिए, ‘उत्तर कोरियाली समस्या’ लाई ‘हेरिनेछ’ ।


ट्रम्पले भने, ‘यदि चीन मद्दत गर्ने निर्णय गर्छ भने यो निकै राम्रो हुनेछ । यदि गर्दैन भने हामी चीन बिना नै समस्याको हल गर्नेछौं ।’


उत्तरक कोरियाको सेनाले अर्को दिन यसको जवाफमा भने, ‘कुनै पनि अमेरिकी हमलालाई निर्ममताका साथ लड्नेछौं ।’


अमेरिकी राष्ट्रपतिले अहिलेको समयमा सैन्य कारवाही गर्ने आफ्नो इच्छाको परिचय दिएको छ ।


उनले पहिला सिरियामा एक संदिग्ध रासायसनक हमलापछि सिरियामा मिसाइल हमलाको आदेश दिए, त्यसपछि अमेरिकी सेनाले अफगानिस्तानमा तथाकथित इस्लामिक स्टेटलाई ठेगानामा सबैभन्दा शक्तिशाली बम प्रहार गरे ।


अमेरिकालाई चिन्ता छ कि उत्तर कोरियाले अमेरिका सम्मै परमाणु हतियारले हमला गर्ने हो कि भन्ने ।


उत्तरको यस्तो उग्र चेतावनी


'हामी कुनै पनि पूर्ण प्रकृतिको युद्धलाई त्यसै अनुसारको जवाफ दिन तयार छौँ, ' उत्तर कोरियाली सैनिक अधिकारी चोइ र्योङ हेइले भने, 'कुनै पनि परमाणु आक्रमणको जवाफ हामी आफ्नै शैलीको परमाणु हमलाबाट दिन तयार छौँ।'


अमेरिकासँगको चुलिँदो तनावले द्वन्द्व निम्त्याउनसक्ने चिन्ता व्यक्त भइरहँदा शनिबार आयोजित कार्यक्रममा भव्य रुपमा सैन्य शक्ति प्रदर्शन गरिएको थियो।


शहरको केन्द्रमा रहेको किम इल सङ स्क्वायरमा सैनिकहरुले कवाज र ुमार्च पासु प्रदर्शन गरेका थिए।


प्रदर्शनीमा पहिलो पटक पनडुबीलाई मार हान्न सक्ने ब्यालेस्टिक क्षेप्यास्त्र पनि देखाइएको थियो।


उक्त क्षेप्यास्त्रको क्षमता अभिवृद्धि गरी त्यसलाई विश्वको कुनै पनि निशानमा मार हान्न सक्ने बनाउन सकिने बताएको छ।


उत्तर कोरियाको सफलतापूर्वक परमाणु हतियार निर्माण गर्ने क्षमता बढ्दै गएको भन्ने चिन्ताका माझ शनिबारको प्रदर्शनीलाई आफ्नो सैनिक सामर्थ्य बाहिरी विश्वसामू प्रस्तुत गर्ने मौकाका रुपमा प्रयोग गरिएको देखिन्छ।


अमेरिकाबाट निरन्तर परमाणु कार्यक्रम अन्त्य गर्न दबाब खेपिरहेको उत्तर कोरियाका लागि उसका कार्यक्रमको महत्व पछिल्लो सैन्य प्रदर्शनीले पनि स्पष्ट पारेको प्योङयाङमा रहेका बीबीसी संवाददाता जन सुडवर्थ बताउँछन्।

हालै अमेरिकी सेनाले एउटा युद्धपोत कोरियाली प्रायद्वीप नजिकै खटाएपछि उक्त क्षेत्रमा तनाव चुलिएको छ।


उत्तर कोरियाले पाँचवटा परमाणु परीक्षण गरिसकेको छ र श्रृंखलावद्ध रुपमा क्षेप्यास्त्रहरुको परीक्षण गरिएको छ ।


उत्तर कोरियाको एकमात्र साझेदार रहेको चीनले कुनै पनि द्वन्द्वले त्यहाँ सत्ता पलट गराउन सक्ने र आफ्नो सीमा क्षेत्रमा समस्या निम्त्याउन सक्ने ठान्दै आएको छ।


अमेरिकी राष्ट्रपति डोनल्ड ट्रम्पले अघिल्लो साता चीनले सहयोग नगरे अमेरिका एक्लैले उत्तर कोरियाविरुद्ध कदम चाल्ने चेतावनी दिएपछि जवाफमा उत्तरले यस्तो चेतावनी दिएको हो ।


अमेरिका सामु दुई बिकल्प


पहिलोमा उत्तर कोरियालाई परमाणु हतियार भएको राष्ट्रको रुपमा मान्यता दिने र दोस्रोमा कडा प्रतिबन्ध लगाउने अनि जोखिम नै मोलेर भएपनि सैन्य कारबाहीमार्फत उसलाई निशस्त्र पार्ने ।


राष्ट्रपति ट्रम्पले यी विकल्पहरुबारे विचार गरिरहँदा उत्तर कोरियालीहरु देशको संस्थापक नेताको जन्मोत्सव मनाउँदै युद्धमा तयार रहेको देखिएको छ ।


यस्तो अवस्थामा अमेरिकाको लागि केही समय दबाव दिएर उत्तरलाई चीनमार्फत दवाव बढाउँदै आफु बिरुद्ध उसबाट हुनेसक्ने आक्रमण र उत्तरबारेमा ढुक्क हुनुनै विकल्प हुने र त्यसले अमेरिका नभई सम्भावित दक्षिण कोरिया र जापानमा हुनसक्ने पहिलो चरणको ठूलो क्षति रोक्ने उत्तम उपाय हुने देखिन्छ ।


किनभने उत्तर कोरियाबाट सबैभन्दा नजिकको रहेको यि दुई देश कोरियाली प्रायद्धिपमा युद्ध भड्कीए पहिलो आक्रमणको निसाना र समस्यामा पर्ने निश्चित छ ।