अमेरिकी शक्तिशालि बम प्रहार अफगानिस्तान बिरुद्ध-पूर्व राष्ट्रपति करजई

Posted on: April 14, 2017 | views: 721

एजेन्सी ।

अमेरिकाद्धारा अफगानिस्तानमा प्रहार हालसम्मकै शक्तिशालि भनिएको बमको त्यहाँका पूर्व राष्ट्रपति हमिद करजईले बिरोध गरेका छन् ।


अरुको देशमा आतंककारीको नाममा मानववस्ति रहेको ठाउँमा बम प्रहार गरिनु निन्दनिय भएको करजईले बताएका छन् ।


आफ्नो देशमा अमेरिकी बम प्रहार र परिक्षण आतंकवाद बिरुद्ध नभई अफगानिस्तानका बिरुद्ध भएको भन्दै उनले यसका बिरुद्ध अफगानि नागरिक उभिनुपर्ने बताएका छन् । करजईले भने अमेरिकाले अफगानिस्तानलाई प्रयोगशाला बनाएको छ, अमेरिकालाई रोक्न अफगानहरु नै लाग्नुपर्छ ।


उता अमेरिकाले बिहिबार आइएस आतंककारीविरुद्ध भन्दै अफगानिस्तानको मानववस्ति रहेको ठाउँमा प्रहार गरेको बम अहिलेसम्मकै सबैभन्दा ठूलो भएको बताएको छ ।


अफगानिस्तानमा सुरुङ बनाएर लुकेका करिब सात हजार आइएस लडाकुमाथि लक्षित भएको बताईएको ११ हजार किलो नन–न्यूक्लियर बमबाट ताजा विवरणहरु अनुसार त्यसमा कम्तिमा ३६ जनाको मृत्यु भएको पुष्टि भएको छ ।


अमेरिकी राष्ट्रपति डोनल्ड ट्रम्पले उक्त मिसन निकै सफल भएको दाबि गरेका छन् । उक्त बमको निर्माण लागत झण्डै एक करोड ६० लाख डलर प्रति बम रहेको छ ।


उक्त बमको परिक्षण सन् २००३ मा गरिएपनि अहिलेसम्म त्यसलाई कहिल्यै पनि प्रयोग गरिएको थिएन ।


तर अझै पनि एमओएबी अमेरिकी सेनाको सबैभन्दा शक्तिशाली गैर परमाणु बम भने होइन ।

म्यासिभ अर्डनेन्स पेनिट्रेटर भनिने एमओपी साढे तेह्र टन भन्दा बढी क्षमताको बम अमेरिकाले बनाइसकेको छ।


अमेरिकासँग मदर रुससँग फादर अफ बम 



रुसले पनि आफ्नै पराम्परागत प्रकृतिको शक्तिशाली बम बनाएको छ जसलाई उसले ुफादर अफ अल बम्स ९एफओएबी०ु अर्थात बमहरुको पिताको नाम दिएको छ ।


एफओएबी इन्धन र वायु मिश्रित बम हो जसलाई थर्मोबेरिक अस्त्र पनि भन्ने गरिन्छ ।


बिबिसिमा उल्लेख भए अनुसार थर्मोबेरिक बम दुई चरणमा विस्फोट हुन्छन् ।

पहिलो विस्फोटनले विस्फोटक पदार्थहरु छरिवरि पार्छ। ती पदार्थ दोस्रो चरणमा पड्कन्छन् । त्यसले विनाशकारी चापयुक्त तरंग सृजना गर्छ ।


एमओएबी जस्ता बमको मूल प्रभाव भनेको त्यसले पार्ने मनोवैज्ञानिक असर ठानिन्छ। भयङ्कर शक्तिशाली विस्फोटका कारण सिर्जना हुने त्रासले शत्रुमाझ अत्यन्त ठूलो प्रभाव पार्ने यसको उद्देश्य हुन्छ ।

वन क्षेत्रलाई सम्याएर हेलिकोप्टर अवतरण गर्ने स्थान निर्माण गर्न प्रयोग गरिने बीएलयू९एटिटु डेजी कटर र त्यस्तै प्रकृतिका अस्त्रहरुको प्रयोगपछि एमओएबीको बिकास गरिएको हो ।

एलाबामामा रहेको एरोनटिक्स कम्पनी डाइनेटिक्सले सबैभन्दा पहिला एमओएबी बम बनाएको हो ।

यता अमेरिकाको हालसम्मकै शक्तिशालि भनिएको ‘मदर अफ अल बम्स’ भनिने उक्त बम इस्लामिक स्टेटले प्रयोग गर्ने गुफाहरुलाई लक्षित गरी पूर्वी अफगानिस्तानको नाङ्गहार प्रान्तमा खसालिएको थियो । एक जना स्थानीय गभर्नरले बिस्फोटन भएको ठाउँमा निक्कै उचाईसम्म आगोको लप्का देखिएको बताएका छन् ।

बीबीसीका अनुसार अमेरिकी विमानमार्फत अफगानिस्तानको नाङ्गहार प्रान्तस्थित आचिन जिल्लामा झण्डै नौ मिटर लामो उक्त बम खसालिएको थियो । पाकिस्तानी सीमा नजिकै अवस्थित गुफै गुफा रहेको उक्त दुर्गम पहाडी क्षेत्रमा पातलो मानवबस्ती रहेको बीबीसीले बताएको छ ।

स्थानीय समय साँझको साढे सात बजे तिर प्रहार गरिएको उक्त बम बिस्फोटनको अवाज दुई वटा छिमेकी जिल्लाहरुमा सुनिएको जनाइएको छ।


एकदमै ठूलो र भूउपग्रह प्रणालीबाट निर्देशित उक्त बम कुनै पनि फौजी कारबाहीमा पहिलो पटक प्रयोग गरिएको ठानिएको छ ।


बिशेष किसिमको विमानबाट प्यारासुट मार्फत खसाइने उक्त बमले ठूलो भूभागमा बिस्फोटन गराउने समार्थय राख्छ।


अफगानिस्तानको राष्ट्रपति कार्यालयका एक जना प्रवक्ताले सो विस्फोटले ठूलो क्षति गराएको जनाएका छन् । यद्यपी अफगान सरकारले यसबारेमा कुनै आधिकारीक प्रतिक्रिया जनाईसकेको छैन ।