अमेरिकाद्धारा सिरियामाथी आक्रमण, दजनौं क्रुज क्षेप्यास्त्र प्रहार

Posted on: April 07, 2017 | views: 709

एजेन्सी ।

अमेरिकी राष्ट्रपति डोनाल्ड ट्रम्पको आदेशपछि अमेरिकी सेनाले सिरियामाथी सैन्य हमला गरेको छ ।


६ बर्षको आन्तरिक द्धन्द्धमा रुमल्लिएको रिसियामा तीन दिनअघि भएको रासायनीक हमलामा २७ बालबालिका सहित सोही संख्यामा अन्य सर्वसाधारणको निधन भएपछि सुरक्षाको नाममा अमेरिकाले सिरीयामाथि आक्रमण गरेको हो ।


अलजजिरा समाचार संस्थाले उल्लेख गरे अनुसार सिरियाली हवाई अखाडामा अमेरिकी सेनाका युद्धपोतहरुले क्रुज क्षेप्यास्त्र प्रहार गरेका हुन् ।

प्राप्त समाचार अनुसार कम्तिमा चार सिरियाली सैनिक र ठूलो संख्यामा घाइते भएको बताइएको अमेरिकी आक्रमणबाट होम्स नगरमा रहेको सिरियाली हवाई अखडा ध्वस्त भएको छ ।


सोही हवाई अखडाबाट केहीदिन अघि रासायनीक आक्रमण भएको भन्दै अमेरिकी सेनाले आक्रमण गरेको हो ।


५९ वटा त्यस्ता ठूला क्षेप्यास्त्र आक्रमणबाट सिरियाली सेनाको एक महत्वपूर्ण वेसक्याम्पमा रहेको भनिएको कयौं युद्ध बिमान समेत नष्ट भएको अमेरिकी सेनाले दाबी गरेको छ ।


यता सिरियाली शासक बसार अल असदलाई सघाउँदै आएको रसियाले भने रिसियामाथी आक्रमण गर्नुअघि अमेरिकालाई सोच्न चेतावनी दिएको छ ।


रुसले यसअघि भएको इराक, अफगानिस्तान, लिबिया आक्रमणमा दोसी भन्दा कयौंगुणा बढी निर्शोस सर्वसाधारण र ति देश दशकौं पछि धकेलिएर झनै समस्या बढाएको भन्दै आक्रमण नै समस्याको समाधान नभएको जनाएको छ ।


यता रिरियाली सरकारले भने अमेरिकी आक्रमणको निन्दा गर्दै निर्णयमा पुर्नबिचार गर्न चेतावनी दिएको बताइएको छ ।

अमेरिकी आक्रमणपछि सिरियाली सरकारले सबै सुरक्षा निकायलाई सकर्त रहन र युद्धको अवस्थामा रहन भनेको बताइएको छ ।


राष्टपति बसार अलअसद सरकार बिरुद्ध भएको प्रदर्शनसँगै ६ बर्षअघिबाट सुरु भएको सिरियाको संकट बढ्दै अहिले गृहयुद्धमा पुगेको छ भने सयौंको मृत्युसँगै लाखौं विस्थापित भएका छन् । तर असद सरकारले आफु बिरुद्ध भएका आन्दोलनलाई पश्चिमा देशको उक्साहट भन्दै सबै आन्दोलनलाई दबाउँदै आएको छ ।