बन्दुकधारीद्धारा बेलायती संसद भवनमा आक्रमण, प्रधानमन्त्री थेरेसा सुरक्षीत (live)

Posted on: March 22, 2017 | views: 1262

एजेन्सी ।
बेलायतको संसद भवनमा बन्दुकधारीले आक्रमण गर्दा एकको मृत्यु भएको छ ।

अलजजिरा समाचार संस्थाका अनुसार संसद भवनको ढोकामा गाडीले ठक्कर दिएर संसद भवनभित्र छिरेको बन्दुकधारीको आक्रमणमा परि एक प्रहरी अधिकारीको निधन भएको छ ।

संसद भवनमै रहेकी प्रधानमन्त्री थेरेसा सहित अधिकाशं संसदभवनमा रहेको समयमा भएको आक्रमणमा सबै सांसद सुरक्षित रहेको बताइएको छ ।

आक्रमणकारीलाई गोली हानी मार्न सफल भएपछि ठुलो दुर्घटना टरेको समाचारमा उल्लेख छ ।



यस्तै बन्दुकधारीको आक्रमणमा परि अन्य दुई व्यक्ति गम्भिर घाइते भएको र उनिहरुलाई अस्पताल लगिएको बताइएको छ ।



समयमै सुरक्षा कारवाही हुँदा बेलायती संसदको ठूलो दुर्घटना टरेको बताइएको छ ।



थप विवरणहरु प्राप्त हुन बाँकी रहेका छन् ।

LIVE VIDEO



यस्तै संसद भवन नजिक रहेको वेस्ट मिनिस्टर ब्रिजमाथि एक कार चालकले अनियन्त्रीत रुपमा पैदल यात्रीभएतिर कुदाउँदा कयौं घाइते भएका छन् ।

हतियारधारी व्यक्ति भनिएपनि चक्कु वा बन्दुक साथमा रहेको खुल्न नसकेका ती व्यक्ति फरार रहेको र खोजि भइरहेको बताइएको छ ।

दर्जनौं घाइते भएको उक्त घटना संसद भवनमा आक्रमण भएकै समयमा भएको हो ।

यस्तै पछिल्लो अपडेटहरुमा संसद भवनमा कार ठोक्काएर भित्र छिर्न खोजेका हतियारधारी व्यक्तिसँग चक्कु मात्र रहेको वा बन्दुक भन्ने स्पष्ट हुन सकिराखेको छैन ।

उनी संसद भवनको चौरमा छिरेर सुरक्षाकर्मीमाथि आक्रमण गरेको वा बन्दुक हानेको नखुलेपनि एक प्रहरीको मृत्यु भएको पुष्टि भएको छ ।

घटनाको बारेमा बेलायती अधिकारीहरुले थप केही बताइसकेका छैनन् ।