ट्रम्पले जारी गरे नयाँ आदेश, यि देशका नागरिक अमेरिका जान नपाउने

Posted on: March 07, 2017 | views: 960
एजेन्सी । अमेरिकी राष्ट्रपति डोनाल्ड ट्रम्पले अमेरिका छिर्न नपाउने देशहरुको नयाँ सुचि र नियम सार्वजनिक गरेका छन् । मुस्लिम बाहुल्य मुलुकका शरणार्थी र अन्य नागरिकलाई चार महिनासम्म अमेरिका छिर्न नदिनेगरि उनले सोमबारी जागि गरेको नियमानुसार इराक भने यो सुचिबाट हटेको छ । यसअघि मुस्लिम बाहुल्य मुलुकका शरणार्थी र अन्य नागरिकलाई चार महिनासम्म अमेरिका प्रवेश गर्न निषेध गर्ने सम्बन्धि राष्ट्रपति ट्रम्पले जारी गरेको आदेशमा सात वटा देश रहेका र परिमार्जन गरिएको यस नयाँ आदेशमा इराकलाई भने हटाइएको छ। अमेरिका प्रवेश गर्नबाट निषेधित सूचिका मुस्लिम बाहुल्य अन्य छ वटा मुलुकका इरान, सोमालिया, लिबिया, यमन, सुडान र सिरिया रहेका छन्। मुस्लिम बाहुल्य यी छ वटा मुलुकहरुका शरणार्थीलगायत अन्य यात्रुलाई १२० दिन प्रतिबन्ध लगाइने उक्त कार्यकारी आदेश मार्चको १६ तारिखबाट लागु हुनेछ। अमेरिकी रक्षा मन्त्रालय ९पेन्टागन० र विदेश मन्त्रालयले दबाब दिएपछि ट्रम्प प्रशासन नयाँ कार्यकारी आदेश जारी गरेको बताइएको छ । आतङ्ककारी इस्लामिक स्टेट्सका सशस्त्र लडाकू समूह विरुद्ध लड्न इराक सरकारले मुख्य भूमिका निर्बाह गर्दै अमेरिकी सेनालाई निरन्तर सहयोग गरिरहेका हुँदा उक्त दुबै मन्त्रालयले ह्वाइट हाउसलाई आफ्नो पूर्वनिर्णयमा पुनःबिचार गर्न निरन्तर दबाबमूलक अनुरोध गरेपछि परिमार्जन सहितको नयाँ आदेश जारी भएको हो ।