५ जनाको हत्या आरोपी दुई बर्षपछि निर्दोष ठहर

Posted on: February 09, 2017 | views: 456

टोकियो ।
आवाजी द्धिपको सुमोतोमा दुई वर्ष अघि भएको पाँच जनाको हत्यामा आरोप लगाइएका एक व्यक्ति निर्दोष ठहरिएका छन् ।

तत्सुहिको हिरानो नामका ति अभियुक्तले अदालती बहसका क्रममा आफु निर्दोष रहेको बताउँदै आएपनि उनिमाथि हत्याको अभियोगमा छानविन भइरहेको थियो ।

उनका वकिलले उनलाई राज्यले दुई वर्ष देखि बिना कारण जेल हालीरहेको र उनलाई पक्राउ गर्दा घटनाका दोषीहरुले उन्मुक्ति पाएको आरोप लगाएका छन् ।

जिल्ला अदालतले उनको थुनुवाईका बारेमा बुधबार पहिलो सुनुवाई गरेको हो ।

आरोप लगाएको सरकारी पक्षले समेत उनको मानसिक अवस्था सहित अनुसन्धानबाट पनि उनि दोषी हुने प्रमाणहरु नपाइएको बताएको छ ।

सन् २०१५ को ९ मार्चका दिन आवाजी द्धिपको सुमोतोका अलग अलग दुई घरमा चक्कु प्रहार गरि तीन महिला तथा दुई पुरुषको हत्या भएको थियो । ५९ देखि ८४ वर्ष सम्मका बृद्धहरुको हत्यामा संलग्न रहेको आरोपमा उनलाई पक्राउ गरेको प्रहरीले घटनाको बारेमा छुट्टै अनुसन्धान थालीसकेको समेत बताइएको छ ।