आँधीमा परि अमेरिकामा १८ को मृत्यु पछि आपतकाल घोषणा

Posted on: January 23, 2017 | views: 524

एजेन्सी ।
तुफानका कारण कम्तिमा १८ जनाको मृत्यु र ५० बढी व्यक्ति गम्भिर घाइते भएपछि अमेरिकाको दक्षिण क्षेत्रमामा आपतकाल घोषणा गरिएको छ ।

समाचार अनुसार जर्जियाका विभिन्न सात स्थानमा आपतकाल घोषणा गरिएको छ । जुन ठाउँमा मात्रै १४ जनाको ज्यान गएको छ ।

समाचार अनुसार आँधिमा परि ४८० घर काम नलाग्नेगरि आँधिले भत्काइदिएको छ । मिसीसिपीमा चार जनाको मृत्यु भएको बताइएको छ ।

फ्लोरिडाको सीमा क्षेत्रमा रहेको ट्रेलर पार्कमा पनि केही व्यक्तिको मृत्यु भएको बताइएपनि पुष्टि हुन बाँकी रहेको समाचार संस्था रोयटर्सलाई उदृत गर्दै बिबिसिले समाचार लेखेको छ ।

विपदपछि नव निर्वाचीत अमेरिकी राष्ट्रपति डोनाल्ड ट्रम्पले जर्जियाका गर्भनरसँग कुरा गर्दै मृतकका परिवारप्रति समवेदना व्यक्त गर्दै उद्दारमा सक्रियता जनाउन निर्देशन दिएका छन् ।

घरबार बिहिनहरुलाई आश्रय स्थलहरुमा राखिएको र केही स्थानमा अझै अवस्था खराब हुनसक्ने भविष्यवाणिपछि थप सजगता अपनाइएको छ ।