अफगानिस्तानको शान्ति र विकासमा जापानद्धारा १६ करोड २० लाख डलर सहयोग घोषणा

Posted on: January 10, 2017 | views: 438

जापान ।
जापानले अफगानिस्तानको शान्ति र विकासको लागि भन्दै १६ करोड २० लाख डलर घोषणा गरेको छ ।

जापानका विदेश उपमन्त्री केन्तारो सोनाउरा र अफगानिस्तानका राष्ट्रपति असरफ गानीबिच भएको भेटपछि सोनाउराले यस्तो घोषणा गरेका हुन् ।

अफगानिस्तानको सुरक्षामा सुधार ल्याउन तथा भ्रष्टाचार न्युनिकरण र विकासका क्षेत्रमा सहयोग गरिने रकम प्रयोग हुने बताइएको छ ।

अफगानिस्तानको राजधानी काबुलमा भएको भेटवार्तामा सोनाउराले अफगानिस्तानमा स्थिरता ल्याउनको लागि जापान सरकार सक्दो सहयोग गर्ने बताए ।

यस अघि २०१६ अक्टोम्बरमा बेल्जियममा भएको दाता राष्टहरुको भेलामा जापानले सन् २०२० सम्ममा अफ्गानिस्तानलाई १४ अर्ब डलर सहयोग गर्ने बताएको थियो ।

सोही अनुसार जापान सरकारले सहयोग गर्ने भएको बताइएको छ ।

सद्दाम हुसेन शासन पतन गराउन भन्दै अमेरिकाले सन् २००१ मा अफगानिस्तानमा आक्रमण गरेपछि लाखौंको मृत्यु र लाखौं पलायन भएपनि अझै अलकायदा, आइइएस जस्ता चरमपन्थी मुस्लिम समुहको निरन्तरको आक्रमण खेपिरहेको अफगानि सरकारले देशभर आफ्नो नियन्त्रण समेत स्थापित गराउन सकिराखेको छैन ।