इन्डोनेशियामा ६.५ रेक्टरको भूकम्प, कम्तिमा २३ को मृत्यु

Posted on: December 07, 2016 | views: 600

२२ मंसिर, काठमाडौं ।
इन्डोनेशियको उत्तरी क्षेत्र आच प्रान्तमा ६.५ रेक्टर स्केलको भूकम्प जाँदा कम्तिमा २३ जनाको मृत्यु भएको छ ।

इन्डोनेशियाको नेशनल डिजास्टर मेनेजमेन्ट एजेन्सीका अनुसार ६.५ रेक्टर स्केलको भूकम्प स्थानीय समय अनुसार बिहान साढे पाँच बजे गएको हो ।

भूकम्पका कारण मानिसहरु घरबाट निस्किएर खुल्ला स्थाहरुमा बसेका छन् ।

भूकम्पका कारण कम्तिमा २३ जना को मृत्यु भएको पुष्टि गरिएको छ ।

अस्पतालहरूलाइ उदृत गर्दै स्थानीय सञ्चारमाध्यमहरूले उल्लेख गरे अनुसार दर्जनौं घरहरु भत्किएका छन् । सयौं व्यक्ति घाइते हुँदा धेरै व्यक्ति भत्किएका घरहरुमा फसेको ठानिएको छ ।

इन्डोनेसियाको यहि आचे प्रान्तमा सन् २००४ मा ९.२ रेक्टर स्केलको भूकम्प जाँदा भूकम्प र सुनामीका कारण १ लाख २० हजारबढीले ज्यान गुमाएका थिए ।