रहेनन् अमेरिकाको सयौं हत्या प्रयासबाट बाँचेका एक क्रान्ति नायक फिडेल क्यास्ट्रो
Posted on: November 26, 2016 | views: 895
काठमाडौं, मंसिर ११ । क्युवाको राजनीतिका बहुप्रतिष्ठित व्यक्तित्व तथा पूर्व राष्ट्रपति फिडेल क्यास्ट्रोको निधन भएको छ । उनका भाई तथा वर्तमान् राष्ट्रपति राहुल क्यास्ट्रोले क्युवाको राष्ट्रिय टेलिभिजनमार्फत पूर्व राष्ट्रपतिको निधन भएको खवर शनिबार सार्वजनिक गरेका हुन् । ९० वर्षीय क्यास्ट्राको शुक्रबार राती ११ बजेर २९ मिनेटमा निधन भएको छ जनाइएको छ ।
उनी १३ अगस्ट १९२६ मा सम्पन्न परिवारमा जन्मेका थिए ।अनुशासन र लगनशीलताका निकै धनी रहेका क्यास्ट्रो पढाइमा मध्यम खालको भएतापनि उनले हवाना विश्व विद्यायबाट कानुनमा स्नातक गरेका थिए ।
फिडेल बाल्यकालदेखि नै समाजका भएका र देखिएका अन्याय र भेदभाव आदिलाई नजिकबाट नियाल्ने गर्दथे । खासगरी, उनले बाल्यकालदेखि नै गरिब र पिछडिएका वर्गप्रति निकै सहानुभूति राख्दथे ।
क्याष्ट्रोले क्युवामा १९५९ मा सशस्त्र क्रान्तिमार्फत साम्यवादी व्यवस्थाको स्थापना गर्ने अभियानमा डटेर लागेका थिए । वामपन्थी विचारधारबाट प्रभावित भएका उनले पढ्दापढ्दै क्युवन पिपुल्स पार्टीको सदस्यता लिएका थिए । उनले जनयुद्धको बाटोबाट राज्यसत्ता कव्जा गर्ने नीति अख्तियार गरि हतियार उठाएपछि क्युवाको छिमेकी राष्ट्र अमेरिकालाई असाध्यै टाउको दुखाईको विषय बनेको थियो ।
२० मार्च १९५३ मा अमेरिकाको समर्थनमा फुल्गेन्सिपी वाटिस्टाले क्युवामा ‘कु’ गरेपछि उनिमा विद्रोही स्वभाव पलाएको पाइन्छ । यसैक्रममा उनले उक्त घटनाको खुलेर विरोध गरि क्रान्तिकारी संगठनको निर्माण अभियानमा जुटेका थिए ।
ताजा अपडेट
-
नयाँ नेतृत्व चयन गर्दै गाउँपालिका राष्ट्रिय महासंघको भेला सम्पन्न
-
वरिष्ठतम् न्यायाधीश जोशीद्वारा राजीनामा
-
बन अतिक्रमण तिव्र गतिमा बढ्यो
-
प्रजातन्त्र दिवसको उपलक्ष्यमा कविता प्रतियोगिता सम्पन्न
-
पशुपती शर्मा बारे बोले पूर्वराजा ज्ञानेन्द्र
-
विद्यालयस्तरीय नुवाकोटको क्रिकेट प्रतियोगिताको उपाधि गुडविल ऐकेडेमीलाई
-
शेरा स्मृति स्वास्थ्य शिक्षा प्रतिष्ठानबाट कृषि उपकरण हस्तान्तरण