जापान फुकुसीमा केन्द्र भएर उस्तै समयमा अर्को शक्तिशालि भूकम्प

Posted on: November 23, 2016 | views: 974

९ कार्तिक, टोकियो ।
जापानको फुकुसीमा केन्द्र भएर आज बिहान अर्को शक्तिशालि भूकम्प गएको छ ।

२२ नोभेम्वरमा केन्द्रविन्दु रहेकै फुकुसीमा केन्द्र भएर ६.१ रेक्टर स्केलको पराकम्प गएको जापानको भूकम्प मापन केन्द्र जापान मेटेरोलोजिकल एजेन्सीले जनाएको छ ।

गत मंगलबार सोही क्षेत्रमा केन्द्रबिन्दु बनाएर बिहान ५ बजेर ५९ मिनेटमा ७.४ रेक्टर स्केलको भूकम्प गएको थियो ।

भूकम्प पनि सुनामी वा कुनै खतराको सूचना जारि गरिएको छैन । यसअघिनै जापानको भूकम्प मापन केन्द्रले एक हप्ताभित्र सो क्षेत्र केन्द्रविन्दु भएर नै उत्तिनै मापन बराबरको पराकम्प जानसक्ने भन्दै सचेत रहन भनेको थियो ।

भूकम्पका कारण समुन्द्रको सतहमा केही परिवर्तन आएर सामान्य छाल मात्र उठ्न सक्ने एजेन्सीले जनाएको छ ।

यसअघि गत मंगलबारको भूकम्पपछि तटीय क्षेत्रहरुमा सुनामीको चेतावनी जारी गरिएको थियो । यद्यपी त्यसबाट कुनै मानविय क्षति भने नपरेको बताइएको थियो ।

भूकम्पको अनुभव फुकुसिमा, इबाराकि, मियागी, यामागाता, तोचिगि, साइतामा, चिवा, निगाता, अओमोरी, इवाके, अकिता, गुन्मा, टोकियो, कानागावा, यामानासी, नागानो, सिजुओका लगायत क्षेत्रमा अनुभव गरिएको छ ।

यो पनि पढ्नुहोस्

जापानमा ५४ बर्षपछि आज भारी हिमपात हुँदै, रेल सेवा अवरुद्ध हुनसक्ने

जापानमा ७.४ रेक्टरको भूकम्प पछिको सुनामी खतरा हट्यो