''डोनाल्ड ट्रम्प विश्वासिला नेता'-जापानी प्रधानमन्त्री

Posted on: November 18, 2016 | views: 379

२ मंसिर, एजेन्सी ।
जापानी प्रधानमन्त्री शिन्जो आवेले नवनिर्वाचित अमेरिकी राष्ट्रपति डोनाल्ड ट्रम्प एक विश्वासिला व्यक्ति भएको बताएका छन् ।

राष्ट्रपतिमा निर्वाचीत भएपछि पहिलो पटक शक्ति राष्टका प्रमूखसँगको औपचारिक भेटका क्रममा जापानका प्रधानमन्त्रीलाई डोनाल्ड ट्रम्पले भेटेका हुन् ।

भेटपछि जापानी प्रधानमन्त्रीले आवेले ट्रम्प एक विश्वासिला नेताका रुपमा आफुले पाएको भन्दै उनको कार्यकालमा जापानसँगको अमेरिकी सम्वन्ध अझ प्रगाढ बन्ने विश्वास व्यक्त गरेका छन् ।

ट्रम्पमा आत्मविश्वाससँगै अमेरिकी नेतृत्वको बारेमा भिजन समेत भएको पाएको भन्दै आवेले ९० मिनेटको भेटका क्रममा अमेरिका जापान सम्वन्ध सहित विश्वका महत्वपूर्ण घटनाक्रमका बारेमा समेत छलफल भएको बताए ।

न्यूयोर्कस्थित ट्रम्पको निजी व्यापारिक भवनको रुपमा चिनिएको ट्रम्प टावरमा भएको भेटमा ट्रम्पले पछिल्लो समयमा जापानको सुरक्षाको लागि अमेरिकाले लगानि गर्न नसक्ने भन्दै जापानमा रहेको अमेरिकी सेनाको लागि जापानले मूल्य चुकाउनुपर्ने बताएका थिए ।

ट्रम्पले निर्वाचनका समयमा जापानको सुरक्षा अमेरिकी सैनिकले गर्नुपर्ने भए उसले अमेरिकालाई भुक्तानी गर्नुपर्ने बताएका थिए । ट्रम्पको यहि अभिव्यक्तिका कारण ट्रम्पको कार्यकालमा जापान अमेरिका सम्वन्ध चिसिने ठानिएको थियो ।

दोस्रो विश्व युद्धपछि जापानमा अमेरिकाको करिव ३८ हजार सेना रहेको छ ।

जापान सरकारले आफ्नो देशमा रहेका अमेरिकी सेना हटाउने विषयमा कुनै नीति नबनाएपनि जनस्तरमा भने अमेरिकी सेना राख्ने र हटाउनुपर्ने माग हुँदै आइरहेको छ ।

धेरै जापानीहरु दोस्रो विश्वयुद्धमा हिरोसिमा र नागासाकीमा आणविक बम विस्फोट गराएर जापानीहरुको हत्या गरेको अमेरिकाको सैन्य जापानमा राखिनुलाई आफ्नो अपमान भएको बताउने गर्छन् ।