अमेरिकी राष्ट्रपति ट्रम्पको जापानी प्रधानमन्त्रीसँग पहिलो शिर्ष भेट हुने

Posted on: November 17, 2016 | views: 370

टोकियो ।
अमेरिकी राष्ट्रपति डोनाल्ड ट्रम्पले पहिलो शिर्ष भेट जापानी प्रधानमन्त्री सिन्जो आवेसँग गर्ने भएका छन् ।

आगामी बिहिबार भेटवार्ता तय भइसकेको र यो औपचारिक भेट हुने जापानी समाचार संस्थाहरुले उल्लेख गरेका छन् ।

जापानका मन्त्री तोमोहिको तानिगुचिले भेटवार्ता बारे बताउँदै भनेका छन् ‘हामीले अवको चार वर्ष ट्रम्पसँग मिलेर काम गर्नुपर्नेछ, भेटघाटले त्यसलाई सहजता र सम्बन्ध सुधारमा भूमिका खेल्छ ।’ ।

आवे र ट्रम्पको भेटभने अमेरिका वा जापानमा नभई पेरुमा हुन लागेको एसिया प्यासिफिक इकोनोमिक कोअप्रेसन’ सम्मेलनको क्रममा हुने भएको हो ।

भेटमा दुई देश बीच चार वर्षे रणनीतिक कार्ययोजनाको भारेमा छलफल हुने बताइएको छ ।

अमेरिकी राष्ट्रपतिमा निर्वाचीत भएपछि जापानी प्रधानमन्त्री आवेले टेलिफोन गरेर बधाईसँगै अझै सुमधुर सहकार्यको विश्वास सहित सुरक्षा र परराष्ट नीतिमा दुई देशबीच सहकार्यबारे बताइको जापानी सञ्चारमाध्यमहरुले लेखेका छन् ।
चीनसँगको विवादास्पद समुन्द्रीक टापुमा अमेरिका जापान सँगै ताईवानको पक्षमा उभिंदै आएको छ ।

पछिल्लो समय समेत समुन्द्र सागरमा बढ्दो चिनको सैनिक उपस्थितिलाई लिएर जापानले आफु चुप लागेर नबस्ने बताइरहेको बेलामा दुई शक्ति राष्टका नेताहरुको भेटले चिनलाई थप दबाव दिने ठानिएको छ ।