अमेरिका रसिया सम्वन्ध सुध्रने संकेत, ट्रम्प र पुटिनबीच फोन वार्ता

Posted on: November 15, 2016 | views: 589

एजेन्सी ।
बराक ओबामाको ८ बर्षे शासनकालमा अमेरिकाको रुससँग बढेको चिसो सम्वन्ध नयाँ राष्टपतिको रुपमा शपथ लिंदै गरेका डोनाल्ड्र ट्रम्पको कार्यकालमा सुधार हुने संकेत देखिएको छ ।

अमेरिकाका नवनिर्वाचि राष्टपति डोनाल्ड्र ट्रम्प र रुसी राष्ट्रपति भ्लादिमिर पुटिनबीच फोनवार्ता भएको छ ।

आफ्ना राष्ट्रपति र अमेरिकी नवनिर्वाचित राष्ट्रपतिबीच टेलिफोन सम्वाद भएको पुष्टि गर्दै क्रेमलिनले दुवै राष्ट्रपति अमेरिका रुस सम्बन्ध सामान्य गर्ने प्रयास गर्न सहमत भएको बताएको छ ।

फोनवार्तामा रुसी राष्ट्रपति पुटिनले ट्रम्पलाई चुनावी कार्यक्रम लागू गर्नमा सफलताको शुभकामना व्यक्त गरेको बताइएको छ ।

कुराकानीमा ट्रम्पले रुसको साथ स्थायी सम्बन्ध बनाउन चाहेको बताएका थिए । चुनावी अभियानका क्रममा ट्रम्पले पुटिनको प्रशंसा गरेको बताइएको छ ।

रुसी राष्ट्रपतिको मुख्यालय क्रेमलिनले पुटिन र ट्रम्पबीच सिरियामा जारी द्धन्द्धको बारेमा छलफल भएको र समस्या समानको लागि रुस अमेरिकाले सहकार्य गर्ने विषयमा सकारात्मक कुराकानी भएको छ ।

कसले फोन गरेर कुरा भएको भन्ने नखुलाइएपनि कुराकानीका क्रममा दुई नेताले समय मिलाएर भेट गर्ने र भ्रमणको कुरा भएको सार्वजनिक गरिएको छ ।