यस्ता छन् ट्रम्पलाई राष्ट्रपतिमा सघाउने मुख्य सचिव र प्रमुख रणनीतिकार

Posted on: November 14, 2016 | views: 724

२९ कार्तिक, काठमाडौं ।
अमेरिकी नव निर्वाचित राष्ट्रपति डोनाल्ड ट्रम्प बिजयी भएपछि स्वागत भन्दा बिरोधको आवाज खेपिरहनुपर्दा उनले आफ्नो मुख्य सचिव र प्रमुख रणनीतिकार नियुक्त गरेका छन् ।

आउँदो जनवरी २० तारिखमा अमेरिकी राष्टपतिको शपथ खान लागेका डोनाल्डले नियुक्त गरेका यि दुई व्यक्ति उनका सबैभन्दा नजिकका सहयोगी हुनेछन् ।

ट्रम्पले मुख्य सचिवमा रिपब्लिकन नेशनल कमिटीका अध्यक्ष राइन्स प्राइबसलाई र प्रमुख रणनीतिकारमा ब्राइटबार्ट न्यूज नेटवर्कका अध्यक्ष स्टेफन बेनोनलाई नियुक्त गरेको हुन् ।

मुख्य सचिव पद ह्वाइट हाउसको सबैभन्दा शक्तिशाली मानिन्छ । मुख्य सचिवमा नियुक्त प्राइबसले राष्ट्रपति ट्रम्पको दैनिक योजना बनाउने गर्दछन् ।

प्राइबसले अमेरिकी सरकारले अख्तियार गर्ने नीति निर्धारणमा पनि प्रमुख भूमिका खेल्नेछन् । साथै संसद र सरकारबीच उनले मूख्य भूमिका निभाउनेछन् ।

समाचार संस्थाहरुका अनुसार प्राइबस हाउस अफ रिप्रिजेन्टेटिभका सभामुख पल रायनसँग निकट रहेका छन् ।

गत मंगलबार डेमोक्रेटिक उम्मेदवार हिलारी क्लिन्टनलाई हराउँदै रिपब्लिकन उम्मेदवार ट्रम्प अमेरिकी राष्ट्रपतिमा निर्वाचित भएका थिए ।

उनले आउदो २० जनवरीमा राष्ट्रपतिको कार्यभार सम्हाल्दैछन् । अमेरिकी कांग्रेसका दुबै सदनमा आफ्नो पार्टी रिपब्लिकनको प्रष्ट बहुमत पाएका ट्रम्पलाई सत्ता सञ्चालनमा सहज भएपनि उनको नीति र कार्यक्रमका आधारमा कमजोर रहेपनि प्रतिपक्षको भूमिका महंगो हुनसक्ने ठानिएको छ ।