हिलारीलाई हराउँदै ट्रम्प बने अमेरिकाको राष्ट्रपति

Posted on: November 09, 2016 | views: 858

२४ कार्तिक, एजेन्सी ।
ठूलो चर्चा र बाहिर हल्लाका बिच हिलारीको अग्रता र बिजयी प्रचारलाई गतल सावित गर्दै डोनाल्ड ट्रम्प अमेरिकाको राष्ट्रपतिमा बिजयी भएका छन् ।

बिजयी भएसँगै ट्रम्पले अमेरिकाको ४५ औं राष्ट्रपतिको रुपमा बराक ओबामाको कुर्सी सम्हाल्ने भएका छन् ।

विश्वभरनै निकै महत्वका साथ हेरिएको अमेरिकी राष्ट्रपति चुनावको नतिजा अनुसार ट्रम्प बिजयी भएपनि आधिकारीक घोषणा भइसकेको छैन । केहीबेरमा नै यसको घोषणा हुँदैछ ।

विश्वकै शक्तिशालि देशको रुपमा हेरिएको अमेरिकी राष्ट्रपती निर्वाचनमा अमेरिकाले पहिलो पटक महिला राष्ट्रपति पाउने कतिपयको आँकलनलाई स्वयं अमेरिकी जनताले अस्विकार गरिदिएका छन् ।


रिपब्लीकन पार्टीका तर्फबाट उम्मेदवार बनेका ट्रम्पको बिजयीसँगै उनको पार्टीले महत्वपूर्ण राज्य र हाउस अफ रेप्रीजेन्टेटिभमा समेत बहुमत बनाएको छ ।

यस आधारमा ट्रम्पले सहज रुपमा अमेरिकी राष्ट्रपतिको कार्यकाल चलाउने देखिएको छ ।

यद्यपी राष्ट्रपतिको रुपमा ट्रम्पले अंगाल्ने विदेश नीति तथा उनको नेतृत्वका बारेमा भने अनेक प्रश्न उब्जाइदै आएको छ ।