बेलायतसँग जापानको पहिलो सैन्य अभ्यास

Posted on: October 27, 2016 | views: 329

११ कार्तिक, एजेन्सी ।
जापानले बेलायती सेनासँग पहिलो पटक सैन्य अभ्यास गर्ने भएको छ ।

जापानको वायु आत्म रक्षाबल यानी एएसडीएफ र ब्रिटेनको रोयल एयर फोर्स यानी आरएएफले एक साथ पहिलोपटक जापानमा संयुक्त अभ्यास गर्ने भएका हुन् ।

जापानसँग सैन्य अभ्यासगर्न बेलायतको आरएएफको ४ ताईफून नामक लडाकु विमान, र एक बहुउपयोगी वोयेजर विमान जापान ल्याइएको छ ।

जापानको एफ९ १५ सहित एएसडीएफका आठ विमान सोमवारबाट शुरुहुने यस अभ्यासमा सहभागी हुने भएका छन् ।

युद्ध अभ्यासका दौरान जापान र ब्रिटेनका विमान होक्काइदो तथा तोहोकु नसिजकका प्रशान्त महासागरमा एकअर्काको सामना गर्ने बताइएको छ ।

जनवरीमा दुई देशका विदेशी तथा रक्षा मन्त्रीहरुको बैठकले यस संयुक्त वायु अभ्यासमा सहमति जनाए अनुसार दुईदेशबिच पहिलो पटक सैन्य अभ्यास हुन लागेको हो ।

नोभेम्वर ३ तारिखसम्म चल्ने सैन्य अभ्यास अमेरिकापछि दोस्रो मुलुकसँग गर्न लागेको पहिलो भएको जापानी रक्षामन्त्रालयले जनाएको छ ।