रेल दुर्घटनामा परि क्यामरुनमा कम्तिमा ५७ को मृत्यु

Posted on: October 22, 2016 | views: 369

६ कार्तिक, काठमाडौं ।
अत्यधिक यात्रुले खचाखच रेल दुर्घटनामा परि कफ्रिकी देश क्यामरुनमा कम्तिमा ५७ जनाको मृत्यु भएको छ ।

दुर्घटनामा परि अन्य ६ सय व्यक्ति घाइते भएको अलजजिरा अनलाईनले लेखेको छ ।

क्यामरुनको याउँडे तथा डूआला शहरबीच गुडीरहेको रेलको दशवटा डिव्वा लिकबाट उछिट्टींदा यतिधेरै व्यक्ति हताहती भएका हुन् ।

रेलबाट उछिट्टींदा यात्रुहरु रेलको डिब्बामा च्यापिएका तथा थिचिएका कारण सयौं व्यक्तिको हात तथा खुट्टामा गम्भिर चोट र भाँचिएको बताइएको छ ।

भारी वर्षाका कारण दुई सहरबीचको सडकका विभिन्न भागका क्षति पुग्दा रेलमा थप आठ वटा डिब्बा थपेर सञ्चालन गरिएको थियो ।

समाचार संस्था एपीले ६ सय यात्रु चढ्ने रेलमा थप डिब्बा समेत गरेर १३ सय बढी यात्रु रहेको अनुमान गरेको छ ।