'सैन्य उपायबाट सिरिया संकट समाधान हुँदैन'-राष्ट्रसंघ महासचिव मुन

Posted on: October 21, 2016 | views: 280

एजेन्सी ।
संयुक्त राष्ट्रसंघका महासचिव वान की मुनले सैन्य उपायबाट सिरिया सङ्कट समाधान नहुने भएकाले शान्तिप्रक्रियाबाट नै जारी द्वन्द्वको समाधान खोज्नु पर्ने बताउनु भएको छ ।

रसियाले एकपक्षीय रुपमा गरेको युद्धविरामको स्वागत गर्ने गर्दै महासचिव महासचिव बानले पूर्वी एलेप्पोमा पूर्ण मानवीय सहयोगको आवश्यकता रहेको औंल्याउनु भएको छ ।

राष्ट्रसंघले गत सेक्टेम्बर २३ देखि हालसम्म सिरियाको एलेप्पोसहरमा जारी द्धन्द्धमा ५सय जनाको मृत्यु हुनुको साथै अन्य २ हजार जना घाइते भएको जनाएको छ । 

द्धन्द्धका कारण झण्डै दुई लाख ७५ हजार नागरिक प्रभावित भएको पनि राष्ट्रसङ्घको अनुमान रहेको छ । 

सिरियामा सन् २०११ देखि राष्ट्रपति बासेर अल असदको राजीनामाको माग गर्दै सुरु भएको हिंसामा परी दुई लाख ९० हजार भन्दा बढी व्यक्तिको मृत्यु भैसकेको छ ।