हरेक दिन विश्वमा ४७ हजार बालिकाको बिवाह

Posted on: October 21, 2016 | views: 470

एजेन्सी ।
विश्वमा हरेक दिन ४७ हजार सात सय बालिकाको बालबिबाह हुने गरेको संयुक्त राष्ट्रसंघीय जनसंख्या कोषले जनाएको छ ।

बालिकाहरुले विशेषगरी बालविवाह, बालश्रम तथा लैङ्गिक विभेदका कारण आफ्नो युवा अवस्थाका निकै सुनौला अवसरहरु गुमाइरहेको कोषले जनाएको छ ।

बेलायतको लण्डनमा यो तथ्याँक सार्वजनिक गर्न आयोजित कार्यक्रममा कोषले चीन र भारतले पछिल्लो समयमा बालिका शिक्षामा राम्रो प्रगति गरेको जनाएको छ ।

अरब मुलुकहरुका थोरै बालिका माध्यमिक शिक्षाका लागि भर्ना हुने गरेको र अफ्रिकी मुलुकमा १० वर्ष मुनिका ७० प्रतिशत बालिका शिक्षाबाट वञ्चित भएको अनुसन्धानले देखाएको छ ।

कार्यक्रममा कोषले बालिकाहरुको स्वास्थ्य र यौन शिक्षामा सुधार ल्याएका विकास विकासशील मुलुकका लागि कोषले २१ अर्ब अमेरिकी डलरको सहयोग गर्ने घोषणा समेत गरेको छ ।