चीन बन्यो मानवसहित अन्तरीक्ष यान प्रक्षेपण गर्ने तेस्रो देश

Posted on: October 17, 2016 | views: 577

१ कार्तिक, एजेन्सी ।
मित्रराष्ट चीनले मानवसहितको अन्तरीक्ष यान प्रक्षेपण गरेको छ ।

अन्तरिक्षमा मानव सहितको यान प्रक्षेपण गर्ने तेस्रो देश बन्दै चिनले शेनजु ९११ नामक यान अन्तरिक्षमा पठाएको छ । सो यानमा दुई जना अन्तरीक्ष यात्री रहेका छन् ।

यसअघि रुस र अमेरिकाले अन्तरिक्षमा मानव सहितको यान पठाएका थिए ।

चीनीयाँ समाचार संस्था हिन्ह्वाका अनुसार शेनजु९११ नामक अन्तरीक्ष यान सोमबार गोबी रेगिस्तानको किनारमा बनाइएको जियोचुयान स्याटलाइट केन्द्रबाट प्रक्षेपण गरिएको हो ।

यानमा ४९ वर्षीय जिंग हेपिङ र ३७ वर्षीय चेन डोंग सवार रहेको बताइएको छ । चीनको अन्तरिक्ष प्रक्षेपण केन्द्रका यी दुवै बैज्ञानिक एक महिनासम्म अन्तरीक्ष प्रयोगशाला थियानगोंग ९२ मा रहने बताएको छ ।

यो चिनियाँ अन्तरीक्ष यात्रीका लागि सबैभन्दा लामो अन्तरीक्ष यात्रा हो ।

चिनियाँ राष्ट्रपति शी जिनपिङले यसबाट अन्तरीक्षमा सम्भावनाहरुको खोजीमा देश धेरै अघि बढ्ने विश्वास व्यक्त गरेका छन् ।

उनले भनेका छन्, ‘शेनजु९११ लन्च गरेपछि भविष्यमा अन्तरीक्षको खोजीमा अझै ठूलो कदम चाल्न देश सक्षम हुनेछ । यस अभियानबाट चीनलाई अन्तरीक्ष शक्ति बन्न थप बल प्राप्त भएको छ ।’

यसको उद्देश्य चन्द्रमा र मंगल ग्रहमा अन्तरीक्ष यात्री पठाउने सम्भावनाको खोजी गर्ने चिनियाँ बैज्ञानिकहरुले बताएका छन् ।

करिब तीन वर्ष अघि चीनका रोवर मिशन, जेड रेबिट रोबोट चन्द्रमामा पुग्न सफल भएका थिए । त्यसबाट उत्साहित बनेको चिनले अन्तरिक्ष खोजमा बर्षेनि अर्बौं डलर लगानी गर्दै आएको छ ।