वानकि मुनको ठाउँमा गुटेर्रेस बने राष्ट्रसंघको नयाँ महासचिव

Posted on: October 14, 2016 | views: 402

एजेन्सी ।
संयुक्त राष्ट्रसङ्घका लागि वानकि मुनको ठाउँमा नयाँ महासचिव चयन भएका छन् ।

राष्ट्रसङ्घको महासभाले पोर्चुगली नागरिक एन्टेनियो गुटेर्रेसलाई औपचारिक रुपमा राष्ट्रसङ्घको नयाँ महासचिवमा नियुक्त गरेको छ ।

वर्तमान महासचिव बान कि मुनको उत्तराधिकारीका रुपमा पोर्चुगलका पूर्व प्रधानमन्त्रीसमेत रहेका गुटेर्रेसले आगामी सन् २०१७ को जनवरी १ देखि नेतृत्व सम्हाल्ने भएका छन् ।

बिहीबार महासभामा सम्मिलित एक सय ९३ राष्ट्रले गुटेर्रेसलाई महासचिवमा समर्थन गर्दै नियुक्त गर्ने प्रस्ताव पारित गरेपछि उनी राष्ट्रसङ्घको महासचिवमा औपचारिक रुपमा चयन भएका हुन् ।

गुटेर्रेसले राष्ट्रसङ्घको मानवअधिकार तथा राष्ट्रसङ्घीय प्रणाली सुधार कार्यमा उल्लेखनीय कार्य गरेको र उनि एकदशक बढी समय देखी राष्ट्रसङ्घ आवद्ध रहेर काम गरिरहेको बताइएको छ ।